At-Tur

يَتَنَـٰزَعُونَ فِيهَا كَأْسًا لَّا لَغْوٌ فِيهَا وَلَا تَأْثِيمٌ ২৩

{23} "Watapeana humo bilauri." Yaani, wataletewa mara kwa mara vikombe vyenye vinywaji safi na vyenye tembo, na watapeana wao kwa wao. Na watawazungukia kuwatumikia wavulana wa ujana wa milele wakiwa na vikombe na birika "zisizo na vinywaji vya kuleta maneno ya upuuzi wala dhambi." Yaani, hakuna mazungumzo ya upuuzi katika Pepo. Nao upuuzi ni maneno yasiyokuwa na faida, nayo dhambi ni yale ambayo ndani yake kuna dhambi na uasi. Na mambo mawili haya yasipokuwapo, basi jambo la tatu linathibiti, nalo ni kwamba maneno yao humo ni mazuri, yenye amani, ni safi na ya kufurahisha nafsi na nyoyo. Wanaishi kwa utangamano mzuri zaidi, na wanaingiliana kuingiliana kuzuri zaidi, na hawasikii kutoka kwa Mola wao Mlezi isipokuwa yanayofurahisha macho yao, na yanayoonyesha kwamba amewaridhia na anawapenda.