Yusuf

إِنَّآ أَنزَلْنَـٰهُ قُرْءَٰنًا عَرَبِيًّا لَّعَلَّكُمْ تَعْقِلُونَ ২

{2} Miongoni mwa kubainisha kwake na kuweka kwake wazi ni kwamba aliiteremsha kwa lugha ya Kiarabu, lugha tukufu zaidi na iliyo wazi kabisa, chenye kubainisha kweli zote zenye manufaa ambazo watu wanazihitaji. Na kubainisha huku kwote na kuweka wazi ni "ili mpate kuzingatia." Yaani, kuelewa mipaka yake, misingi yake, matawi yake, amri zake na makatazo yake. Na mkiyafahamu hayo kwa yakini yenu, na nyoyo zenu zikasifika na kuyajua, hilo litasababisha matendo ya viungo na kuyafuata, na "ili mpate kuzingatia.” Yaani, akili zenu zizidi kwa sababu ya kurudiarudia kwa maana tukufu za juu katika akili zenu, kwa hivyo mkahama kutoka hali moja hadi nyingine iliyo ya juu zaidi kuiliko na iliyo kamili zaidi.