السجدة
هذه ترجمة لتفسير السعدي كما ينشرها IslamHouse.com في saadi.islamenc.com، مقروءةً من صفحات ذلك الموقع. لا يذكر الموقع من ترجمها ولا أي طبعة مطبوعة تتبعها، ولا يذكر شروطًا لأخذ نصّها، ولذلك لم يُتحقق من حق عرضها. لم يقارنها أحد بكتاب مطبوع، ولم يراجعها أحد من العلماء. يقف كل مقطع بجانب الآيات التي يعلّق عليها، وهي نص القرآن من Tanzil كما هو عنده؛ والآية التي لا يعطيها الموقع شرحًا خاصًّا بها تقف مع المقطع الذي قبلها، ويسمّي الفهرس كل آية من هذا النوع. لم يكتب سبيل شيئًا منها ولم يترجمه.
النص منsaadi.islamenc.comIslamHouse.comnone stated (the site names no licence and no terms for taking its text)أُخذ في 2026-10-22
وَقَالُوٓا۟ أَءِذَا ضَلَلْنَا فِى ٱلْأَرْضِ أَءِنَّا لَفِى خَلْقٍ جَدِيدٍۭ ۚ بَلْ هُم بِلِقَآءِ رَبِّهِمْ كَـٰفِرُونَ ١٠
{10} Yaani, wale waliokadhibisha kufufuliwa walisema kwa kuona kwamba hilo haliwezekani, "Tutapokwisha potea chini ya ardhi," na tukachanika na kutawanyika katika sehemu zisizozijulikana, "ni kweli tutarudishwa katika umbo jipya?" Kwani, walidai kwamba hili ni katika mambo yasiyowezekana kabisa! Haya ni kwa sababu walilinganisha uwezo wa Muumba na uwezo wao, na maneno yao haya si kutafuta uhakika, bali ni dhuluma, ukaidi, kukufuru kukutana na Mola wao Mlezi, na ukanushaji. Na ndiyo maana akasema, "Bali wao wanakanusha kwamba watakutana na Mola wao Mlezi." Basi chanzo na makusudio ya maneno yao hayo vinajulikana, vinginevyo; Lau kama makusudio yao yangelikuwa ni kubainisha haki, wangelibainishiwa ushahidi wa kukata juu ya hayo ambao ungelifanya kuwa jambo la kuonyesha ufahamu kama vile jua lilivyo kwa mwenye kuona, na inawatosheleza kwamba wanajua kuwa walianzishwa baada ya wao kutokuwepo. Basi kuwarudisha ni rahisi zaidi kuliko kuwaanzisha. Hali kadhalika, ardhi iliyokufa, Mwenyezi Mungu huiteremshia mvua, na huhuisha baada ya kufa kwake, na anaotesha juu yake mbegu mbalimbali.