النمل

فَلَمَّا جَآءَتْ قِيلَ أَهَـٰكَذَا عَرْشُكِ ۖ قَالَتْ كَأَنَّهُۥ هُوَ ۚ وَأُوتِينَا ٱلْعِلْمَ مِن قَبْلِهَا وَكُنَّا مُسْلِمِينَ ٤٢

{42} "Basi (Malkia) alipofika" akimjia Suleiman, alimwekea mbele kiti chake cha enzi, na alikuwa amekiona mara ya mwisho alipokuwa katika nchi yake, na "akaambiwa: Je, kiti chako cha enzi ni kama hiki?" Yaani, tunajua kwamba una kiti cha enzi kikubwa. Je, hicho ni kama kiti hiki tulichokuletea? "Akasema: Kama kwamba ndicho hiki." Na hili ni katika werevu wake na akili yake nzuri. Hakusema kwamba ndicho hicho; kwa sababu kilikuwa kimebadilishwa na kugeuzwa, na pia hakukataa kwamba si hicho; kwa sababu alikijua, kwa hivyo akatumia neno lenye maana hizo mbili, ambalo linaweza kutumika kwa hali mbili hizo. Suleiman akasema, akishangazwa na kuongoka kwake, na akili yake nzuri, huku akimshukuru Mwenyezi Mungu kwamba alimpa makuu kuliko aliyompa malikia "(Sulaiman na watu wake wakasema): Na sisi tumepewa elimu kabla yake (Malkia)." Yaani, uwongofu, na akili, na azimio, kabla ya malkia huyu, "na tukawa Waislamu" ambao ndio uwongofu wenye manufaa, wa kiasili. Na inawezekana kwamba hii ni katika maneno ya Malkia wa Sabai: Na tulipewa elimu kuhusu ufalme na mamlaka ya Suleiman, na wingi wa uwezo wake, kabla ya hali hii ambayo tuliona ndani yake uwezo wake wa kukileta kiti cha enzi kutoka mahali pa umbali mkubwa, kwa hivyo tukatii, na tukaja huku tumejisalimisha kwake, na kutii mamlaka yake.