المؤمنون
هذه ترجمة لتفسير السعدي كما ينشرها IslamHouse.com في saadi.islamenc.com، مقروءةً من صفحات ذلك الموقع. لا يذكر الموقع من ترجمها ولا أي طبعة مطبوعة تتبعها، ولا يذكر شروطًا لأخذ نصّها، ولذلك لم يُتحقق من حق عرضها. لم يقارنها أحد بكتاب مطبوع، ولم يراجعها أحد من العلماء. يقف كل مقطع بجانب الآيات التي يعلّق عليها، وهي نص القرآن من Tanzil كما هو عنده؛ والآية التي لا يعطيها الموقع شرحًا خاصًّا بها تقف مع المقطع الذي قبلها، ويسمّي الفهرس كل آية من هذا النوع. لم يكتب سبيل شيئًا منها ولم يترجمه.
النص منsaadi.islamenc.comIslamHouse.comnone stated (the site names no licence and no terms for taking its text)أُخذ في 2026-10-22
بَلْ قُلُوبُهُمْ فِى غَمْرَةٍ مِّنْ هَـٰذَا وَلَهُمْ أَعْمَـٰلٌ مِّن دُونِ ذَٰلِكَ هُمْ لَهَا عَـٰمِلُونَ ٦٣
{63} Mwenyezi Mungu Mtukufu anasema kwamba nyoyo za wakadhibishaji ziko katika hali ya kufunikwa, haziyatambui hayo. Yaani, ziko katikati ya kughafilika kutokana na ujinga, udhalimu, kughafilika na kupeana mgongo, mambo ambayo yanawazuia kuifikia Qur-ani hii; basi hawawezi kuongoka kwayo, wala hakifiki chochote kwayo katika nyoyo zao. "Na unaposoma Qur-ani, tunaweka baina yako na wale wasioiamini Akhera pazia linalowafunika, na tunaweka vizibo juu ya nyonyo zao wasije wakaifahamu, na tunaweka kwenye masikio yao uziwi." Na kwa kuwa mioyo yao iko katika hali ya kufunikwa; haziitambui, wakafanya kwa mujibu wa hii hali vitendo vya kikafiri na vya kupinga sheria mambo ambayo yanayolazimu waadhibiwe; lakini, "wanavyo vitendo vinginevyo," mbali na hivi vitendo "wanavyovifanya," lakani wasishangae kutotokea kwa adhabu juu yao. Kwa maana hakika Mwenyezi Mungu anawapa muhula ili wafanye vitendo hivi ambavyo vilibakia katika maisha yao miongoni mwa yale waliyoandikiwa. Na watakapovifanya na wakavitimiza; wataondoka na kwenda katika hali yao mbovu kwenda kwa hasira ya Mwenyezi Mungu na adhabu yake.