المؤمنون
هذه ترجمة لتفسير السعدي كما ينشرها IslamHouse.com في saadi.islamenc.com، مقروءةً من صفحات ذلك الموقع. لا يذكر الموقع من ترجمها ولا أي طبعة مطبوعة تتبعها، ولا يذكر شروطًا لأخذ نصّها، ولذلك لم يُتحقق من حق عرضها. لم يقارنها أحد بكتاب مطبوع، ولم يراجعها أحد من العلماء. يقف كل مقطع بجانب الآيات التي يعلّق عليها، وهي نص القرآن من Tanzil كما هو عنده؛ والآية التي لا يعطيها الموقع شرحًا خاصًّا بها تقف مع المقطع الذي قبلها، ويسمّي الفهرس كل آية من هذا النوع. لم يكتب سبيل شيئًا منها ولم يترجمه.
النص منsaadi.islamenc.comIslamHouse.comnone stated (the site names no licence and no terms for taking its text)أُخذ في 2026-10-22
وَلَقَدْ خَلَقْنَا فَوْقَكُمْ سَبْعَ طَرَآئِقَ وَمَا كُنَّا عَنِ ٱلْخَلْقِ غَـٰفِلِينَ ١٧
{17} Mwenyezi Mungu Mtukufu alipotaja kuumbwa kwa mwanadamu, akataja makao yake na kumpa neema kwa njia zote. Akasema, "Kwa yakini tumeziumba juu yenu" dari kwa nchi na masilahi kwa waja, "njia saba." Yaani, mbingu saba katika matabaka, kila tabaka juu ya lingine, na zimepambwa kwa nyota, jua na mwezi, na akatia humo mambo yenye masilahi kwa waja. "Nasi hatukuwa wenye kughafilika na viumbe." Na kama vile uumbaji wetu ni wa jumla kwa kila kiumbe, basi elimu yetu pia imezunguka yote tuliyoumba. Hatughafiliki na kiumbe chochote wala hatukisahau, wala hatuumbi kiumbe kisha tukakipuuza. Wala hatughafiliki tukaiacha mbingu ikaiangukia ardhi. Wala hatuisahau chembe iliyoko ndani ya bahari na pande za majangwa, wala mnyama yeyote isipokuwa tunamfikishia riziki yake. "Naye anajua makao yake na mapitio yake." Na mara nyingi Mwenyezi Mungu Mtukufu huunganisha kati ya kuumba kwake na elimu yake. Kama vile kauli yake, "Asijue aliyeumba, naye ndiye Mjua siri, Mwenye habari zote?" "Kwani! Naye ndiye Muumbaji Mkuu, Ajuaye zaidi." Kwa sababu, kuwaumba viumbe ni katika ushahidi wenye nguvu wa kiakili juu ya elimu na hekima ya Muumba wao.