At-Tawba

يَـٰٓأَيُّهَا ٱلَّذِينَ ءَامَنُوا۟ لَا تَتَّخِذُوٓا۟ ءَابَآءَكُمْ وَإِخْوَٰنَكُمْ أَوْلِيَآءَ إِنِ ٱسْتَحَبُّوا۟ ٱلْكُفْرَ عَلَى ٱلْإِيمَـٰنِ ۚ وَمَن يَتَوَلَّهُم مِّنكُمْ فَأُو۟لَـٰٓئِكَ هُمُ ٱلظَّـٰلِمُونَ 23

{23} Yeye Mtukufu anasema: "Enyi mlioamini!" tendeni kulingana na matakwa ya imani yenu, kwa kuwafanya marafiki wale walioamini, na kuwafanyia uadui wale ambao hawakuamini, na "Msiwafanye baba zenu na ndugu zenu" ambao ndio watu wa karibu zaidi kwenu, na wengineo kwa njia ya kustahili na kufaa zaidi, basi msiwafanye kuwa "marafiki walinzi wenu ikiwa wanapendelea." Yaani, ikiwa watachagua kwa namna ya kuridhia na kupenda, "ukafiri kuliko Imani. Na mwenye kuwafanya marafiki walinzi miongoni mwenu, basi hao ndio madhalimu;" kwa sababu, walimuasi Mwenyezi Mungu kwa ujasiri, na wakawafanya maadui wa Mwenyezi Mungu kuwa marafiki walinzi. Na msingi wa Al-Wilaaya ni upendo na nusura. Na hilo ni kwamba kuwafanya kuwa marafiki walinzi kunalazimu kutanguliza utiifu kwao mbele ya utiifu kwa Mwenyezi Mungu na upendo wao mbele ya upendo wa Mwenyezi Mungu na Mtume Wake.