At-Tawba

وَمَا كَانَ ٱللَّهُ لِيُضِلَّ قَوْمًۢا بَعْدَ إِذْ هَدَىٰهُمْ حَتَّىٰ يُبَيِّنَ لَهُم مَّا يَتَّقُونَ ۚ إِنَّ ٱللَّهَ بِكُلِّ شَىْءٍ عَلِيمٌ 115

{115} Yaani, ikiwa Yeye Mtukufu atawaneemesha kaumu uwongofu na akawaamrisha wafuate njia iliyonyooka, basi Yeye Mtukufu hukamilisha ihsani yake juu yao, na huwabainishia yote wanayohitaji na ni ya dharura sana kwao. Na hawaachi kupotea na kutojua mambo ya dini yao. Basi katika hili kuna ushahidi wa ukamilifu wa rehema yake, na kwamba sheria yake inatosha kila wanachokihitaji waja wake katika misingi ya dini na matawi yake. Na inawezekana kwamba maana yake ni kuwa "Na haiwi kwa Mwenyezi Mungu kuwapotosha kaumu baada ya kwisha waongoa mpaka awabainishie ya kujiepusha nayo.” Basi anapowabainishia yale wanayopaswa kujiepusha nayo, lakini wasiyafuate, anawaadhibu kwa upotofu kama malipo ya kukataa kwao haki iliyo wazi, lakini ile maana ya kwanza ni bora zaidi. "Hakika Mwenyezi Mungu ni Mwenye kujua vyema kila kitu.” Basi kwa sababu ya ukamilifu wa elimu yake na ujumla wake, aliwafundisha ambayo hamkuwa mnayajua, na akawabainishia yale mtakayofaidika nayo.