Al-Anfaal

ٱلْـَٔـٰنَ خَفَّفَ ٱللَّهُ عَنكُمْ وَعَلِمَ أَنَّ فِيكُمْ ضَعْفًا ۚ فَإِن يَكُن مِّنكُم مِّا۟ئَةٌ صَابِرَةٌ يَغْلِبُوا۟ مِا۟ئَتَيْنِ ۚ وَإِن يَكُن مِّنكُمْ أَلْفٌ يَغْلِبُوٓا۟ أَلْفَيْنِ بِإِذْنِ ٱللَّهِ ۗ وَٱللَّهُ مَعَ ٱلصَّـٰبِرِينَ 66

{66} Kisha hukumu hii ilipunguzwa na Mwenyezi Mungu juu ya waja wake, kwa hivyo akasema: "Sasa Mwenyezi Mungu amewapunguzia, na alijua kuwa ndani yenu upo udhaifu.” Kwa hivyo, ikahitaji rehema yake na hekima yake kupunguziwa. “Kwa hivyo, wakiwapo watu mia moja miongoni mwenu wenye kusubiri, watawashinda mia mbili. Na wakiwapo elfu moja, watawashinda elfu mbili, kwa idhini ya Mwenyezi Mungu. Na Mwenyezi Mungu yu pamoja na wenye kusubiri;" kwa msaada wake na kuunga kwake mkono. Na Aya hizi mwonekano wake ni mwonekano wa kujulisha kuhusu Waumini kwamba wakifikia kiwango hiki maalumu, watafikia kiwango kile maalumu inayokabiliana nayo katika makafiri. Na kwamba Mwenyezi Mungu atawaneemesha kwa kile alichowatia cha ujasiri wa kiimani, lakini maana yake na uhakika wake ni amri, na kwamba Mwenyezi Mungu aliwaamuru Waumini katika mwanzo wa amri hii kwamba haruhusiwi mtu mmoja kuwakimbia watu kumi, na watu kumi kutoka kwa watu mia moja, na watu mia moja kutoka kwa watu elfu moja, kisha Mwenyezi Mungu akapunguza hilo, kwa hivyo ikawa hairuhusiwi kwa Waislamu kuwakimbia wale walio mfano wao katika makafiri. Lakini wakiwazidi walio mfano wao mara mbili, basi wanaweza kukimbia. Lakini kuna mambo mawili kwa hili ambayo yanajitokeza: La kwanza yake ni kwamba aya hizi ni za muundo wa kupeana habari tu, na jambo la msingi katika kupeana habari ni kuwa ieleweke kwamba ni habari tu, na kwamba kilichokusudiwa katika hilo ni kukumbusha juu ya neema na kujulisha juu ya hali halisi. Ya pili ni kuifungia idadi hiyo na sifa kwamba wawe ni wenye subira, kwa hali ya kwamba wamefundishwa kuwa na subira. Na maana yake isiyokuwa ya moja kwa moja ni kwamba ikiwa hawana subira, basi wanaweza kukimbia, hata kama adui ni wachache kuliko mfano wao mara mbili, ikiwa watakuwa na dhana kubwa kwamba watadhurika, kama inavyotakiwa na hekima ya kimungu. Na la kwanza linajibiwa kwa kusema, "Sasa mwenyezi Mungu amewapunguzia ... " hadi mwisho wake ni ushahidi kwamba jambo hili ni lazima na lisiloepukika, kisha Mwenyezi Mungu alilipunguza hadi idadi hiyo. Basi hili ni dhahiri kwamba hiyo ni amri, hata kama ni katika muundo wa habari. Na inaweza kusemwa kwamba kuja kwake kwa muundo wa kupeana habari ni mbinu ya ufasaha mkubwa ambayo haipo ndani yake ikiwa itakuwa kwa neno la amri, nalo ni kuziimarisha nyoyo za Waumini, na kupeana habari njema kwamba watawashinda makafiri. Na la pili linajibiwa kwamba kile kinachokusudiwa kwa kuzuia hilo kwa wenye subira ni kwamba ni himizo juu ya kuwa na subira, na kwamba mnapaswa kufanya sababu ziletazo hilo. Kwa hivyo, wanapozifanya, zinakuwa sababu za kiimani na sababu za kimwili ni zenye kuleta habari njema ya kupatikana kwa kile Mwenyezi Mungu alijulisha cha ushindi wa idadi hii chache.