Al-An'aam

وَهَـٰذَا كِتَـٰبٌ أَنزَلْنَـٰهُ مُبَارَكٌ مُّصَدِّقُ ٱلَّذِى بَيْنَ يَدَيْهِ وَلِتُنذِرَ أُمَّ ٱلْقُرَىٰ وَمَنْ حَوْلَهَا ۚ وَٱلَّذِينَ يُؤْمِنُونَ بِٱلْـَٔاخِرَةِ يُؤْمِنُونَ بِهِۦ ۖ وَهُمْ عَلَىٰ صَلَاتِهِمْ يُحَافِظُونَ 92

{92} Yaani, "na hiki" (kitabu cha) Qur-aani ambacho "tulikiteremsha" kwako "kilichobarikiwa;" yaani sifa yake ni kwamba kimebarikiwa. Na hilo ni kwa sababu ya wingi wa heri zake, na wingi wa wema wake { chenye kusadikisha yale yaliyokitangulia. Yaani, chenye kuafikiana na Vitabu vilivyotangulia, na chenye kushuhudia ukweli wake, "na ili uuonye Mama wa Miji na wale walio pembezoni mwake." Yaani, pia tulikiteremsha ili uuonye Mama wa Miji - nayo ni Makka Al-Mukarramah - na wale walio pembezoni mwake miongoni mwa nchi za Waarabu, na hata katika nchi nyingine zote; ili uwaonye watu adhabu ya Mwenyezi Mungu, na kuchukua kwake umma mbalimbali, na uwaonye dhidi ya yale yanayosababisha hayo. "Na wale wanaoiamini Akhera wanakiamini." Kwa sababu hofu inapokuwa katika moyo, nguzo zake zinaimarika na kufuata yale yanayomridhisha Mwenyezi Mungu; "nao wanazihifadhi Swala zao." Yaani, wanadumu juu yake na wanazihifadhi nguzo zake, na mipaka yake, na masharti yake, na adabu zake, na yale yote yenye kuikamilisha. Mwenyezi Mungu atufanye tuwe miongoni mwao.