Al-An'aam

وَقَالُوا۟ مَا فِى بُطُونِ هَـٰذِهِ ٱلْأَنْعَـٰمِ خَالِصَةٌ لِّذُكُورِنَا وَمُحَرَّمٌ عَلَىٰٓ أَزْوَٰجِنَا ۖ وَإِن يَكُن مَّيْتَةً فَهُمْ فِيهِ شُرَكَآءُ ۚ سَيَجْزِيهِمْ وَصْفَهُمْ ۚ إِنَّهُۥ حَكِيمٌ عَلِيمٌ 139

{139} Na miongoni mwa maoni yao ya kipuuzi ni kwamba wanawafanya baadhi ya mifugo na wanawatenga wakiharamisha vilivyomo matumboni mwao juu ya wanawake na si wanaume. Na wanasema: "Vile vilivyo katika matumbo ya mifugo hawa ni ya wanaume wetu tu." Yaani, ni halali kwao, na wala wanawake hawashiriki ndani yake. "Na vimeharimishwa kwa wake zetu;" yaani, wanawake wetu. Na hili ni ikiwa atazaliwa hai. Na ikiwa kilicho ndani ya tumbo lake ni mfu, basi wao ni washirika ndani yake. Yaani, ni halali kwa wanaume na wanawake. "Atawalipa," yaani, Mwenyezi Mungu "maelezo yao hayo" ambapo waliyaeleza yale aliyoyahalalisha Mwenyezi Mungu kuwa ni haramu, na wakaieleza hatamu kuwa ni halali; basi wakaipinga sheria ya Mwenyezi Mungu, na wakaihalifu, na wakalinasibisha hilo kwa Mwenyezi Mungu. "Hakika Yeye ni Mwenye hekima kubwa." Ambapo aliwapa muhula, na akawawezesha kuwa katika hali yao hiyo ya upotevu. "Mwenye kujua vyema" hali yao, na hakifichikani kwake chenye kufichikana. Naye Mtukufu anawajua, na yale waliyoyasema juu Yake, na wakazua ya uongo; naye anawapa salama, na Anawaruzuku Yeye Utukufu mkubwa.