Al-An'aam

فَمَن يُرِدِ ٱللَّهُ أَن يَهْدِيَهُۥ يَشْرَحْ صَدْرَهُۥ لِلْإِسْلَـٰمِ ۖ وَمَن يُرِدْ أَن يُضِلَّهُۥ يَجْعَلْ صَدْرَهُۥ ضَيِّقًا حَرَجًا كَأَنَّمَا يَصَّعَّدُ فِى ٱلسَّمَآءِ ۚ كَذَٰلِكَ يَجْعَلُ ٱللَّهُ ٱلرِّجْسَ عَلَى ٱلَّذِينَ لَا يُؤْمِنُونَ 125

{125} Yeye Mtukufu anasema akiwabainishia waja wake alama ya furaha ya mja, na uongofu wake; na alama ya mshaka yake, na upotevu wake: Hakika yule ambaye kifua chake kuliufungukia Uislamu. Yaani, kunapanuka na kuwa na nafasi, kwa hivyo kikaangazwa na nuru ya imani, na kikahuishwa na mwangaza wa yakini. Kwa hivyo nafsi yake ikatulia kwa hilo, na akapenda heri, na nafsi yake ikatii ili afanye mema, akawa anapata ladha katika hilo, bila ya kuona uzito ndani yake. Basi hii ni alama ishara Mwenyezi Mungu amemuongoa na akamneemesha kwa kumwezesha kutenda mema, na kufuata njia iliyonyooka kabisa. Na kwamba alama ya yule ambaye mwenyezi Mungu anataka “kumpotosha” ni kwamba “hukifanya kifua chake kuwa kifinyu, kimebana.” Yaani, kinakuwa kifinyu mno katika kuwa na imani na elimu na yakini. Tayari moyo wake umezama ndani ya fikira potofu, na matamanio, basi hakuna kheri inayoufikia, wala haufunguki moyo wake kufanya heri. Kana kwamba kutokana na ufinyu wake na ugumu wake, unakaribia " anapanda katika mbingu." Yaani, ni kana kwamba ameelemewa na kupanda mbinguni ambako hakuna msaada wowote. Na hili ni kwa sababu ya kutoamini kwao;na hilo ndilo lililomfanya Mwenyezi Mungu kuwawekea uchafu juu yao. Kwa sababu walijifungia wenyewe mlango wa rehema na ihsani, na hii ndiyo mizani isiyopunja na njia isiyobadilika. Kwani mwenye kutoa, na akamcha Mwenyezi Mungu, na akasadiki yaliyo mema zaidi, Mwenyezi Mungu atamsahilishia yawe mepesi. Na ama mwenye kufanya ubahili na mwenye kujiona anajitosheleza, na akayakadhibisha yaliyo mema zaidi, basi atamrahisishia yawe magumu.