Faatir

يَـٰٓأَيُّهَا ٱلنَّاسُ إِنَّ وَعْدَ ٱللَّهِ حَقٌّ ۖ فَلَا تَغُرَّنَّكُمُ ٱلْحَيَوٰةُ ٱلدُّنْيَا ۖ وَلَا يَغُرَّنَّكُم بِٱللَّهِ ٱلْغَرُورُ 5 إِنَّ ٱلشَّيْطَـٰنَ لَكُمْ عَدُوٌّ فَٱتَّخِذُوهُ عَدُوًّا ۚ إِنَّمَا يَدْعُوا۟ حِزْبَهُۥ لِيَكُونُوا۟ مِنْ أَصْحَـٰبِ ٱلسَّعِيرِ 6

{5 - 6} Mwenyezi Mungu Mtukufu anasema: "Enyi watu! Hakika ahadi ya Mwenyezi Mungu" ya kuwafufua na kuwalipa juu ya matendo yenu "ni ya kweli" na hakuna shaka yoyote juu yake, ya kusitasita. Kwani kuna ushahidi mwingi wa kusikiwa na wa kiakili ulioashiria hilo. Kwa hivyo, kama ahadi yake hii ni ya kweli, basi jiandaeni kwa ajili yake na harakisheni kuutumia wakati wenu mtukufu katika kufanya matendo mazuri, na kisikuzuieni chochote kufanya hivyo. "Basi kamwe yasikudanganyeni maisha ya dunia" kwa anasa zake, matamanio yake, na matakwa yake ya kinafsi, yaje yakawaghafilisha mbali na yale mliyoumbiwa kwa ajili yake. "Wala kamwe mdanganyifu" ambaye ni Shetani, ambaye ni adui yenu katika hali halisi "asikudanganyeni juu ya Mwenyezi Mungu." "Basi mfanyeni kuwa ni adui." Na mkae mkijua hilo, wala msipuuze kupigana naye kila wakati. Yeye anawaona, na nyinyi hamumuoni. Naye daima yuko macho na nyinyi. "Kwani, yeye analiita kundi lake liwe katika watu wa Moto wenye mwako mkali." Haya ndiyo malengo yake na makusudio yake kwa wanaomfuata kwamba wadhalilike kabisa kwa adhabu kali.