An-Noor

ٱللَّهُ نُورُ ٱلسَّمَـٰوَٰتِ وَٱلْأَرْضِ ۚ مَثَلُ نُورِهِۦ كَمِشْكَوٰةٍ فِيهَا مِصْبَاحٌ ۖ ٱلْمِصْبَاحُ فِى زُجَاجَةٍ ۖ ٱلزُّجَاجَةُ كَأَنَّهَا كَوْكَبٌ دُرِّىٌّ يُوقَدُ مِن شَجَرَةٍ مُّبَـٰرَكَةٍ زَيْتُونَةٍ لَّا شَرْقِيَّةٍ وَلَا غَرْبِيَّةٍ يَكَادُ زَيْتُهَا يُضِىٓءُ وَلَوْ لَمْ تَمْسَسْهُ نَارٌ ۚ نُّورٌ عَلَىٰ نُورٍ ۗ يَهْدِى ٱللَّهُ لِنُورِهِۦ مَن يَشَآءُ ۚ وَيَضْرِبُ ٱللَّهُ ٱلْأَمْثَـٰلَ لِلنَّاسِ ۗ وَٱللَّهُ بِكُلِّ شَىْءٍ عَلِيمٌ 35

{35} ''Mwenyezi Mungu ni Nuru ya Mbingu na Ardhi,'' Mwenye hisia na maadili. Hii ni kwa sababu Mwenyezi Mungu Mwenyewe ni nuru, na pazia lake ni nuru, ambayo kama angeifunua, mng'ao wa uso Wake ungeteketeza chochote kile alichokiona katika uumbaji wake, na kwa Yeye kiti cha enzi. Na jua, mwezi na nuru, na kwa njia yake viliangaza Peponi. Vivyo hivyo, nuru ya maadili inarejea kwa Mungu. Kitabu chake ni nuru, sheria yake ni nuru, na imani na elimu katika nyoyo za Mitume na waja wake ni nuru. Lau si nuru yake Mwenyezi Mungu mtukufu; giza lingukusanyika, na kila mahali kupoteza nuru yake, giza likaenea kote. "Mfano wa nuru yake,'' anayoongoza kwayo, ambayo ni nuru ya imani na Qur-ani katika mioyo ya waumini, ''Ni kama shubaka;'' ambayo, "ndani yake kuna taa;'' kwa sababu shubaka hukusanya mwanga wa taa kwa namna ambayo hauwezi kutawanyika. Hiyo ni ''Taa ile imo katika tungi. Tungi lile;'' kutokana na usafi wake na fahari yake, ''ni kama nyota inayomeremeta.'' Yaani, mng'aro wa mwanga wenye kumeremeta. ''Inayowashwa;'' hiyo ni taa ambayo kwamba iko katika hilo tungi lenye kumeremeta ''kutokamana na mafuta yanayotoka katika mti uliobarikiwa, Mzaituni.'' Yaani, inayowashwa kwa mafuta ya Zaituni, ambao moto wake ni mkali kama ulivyo "si wa mashariki" tu; wala halipigi jua mwisho wa siku ''wala magharibi'' tu; wala halipigi jua mwisho wa siku. Ikiwa mambo yote mawili hayapo kwake; Ilikuwa ni ardhi ya kati; kama mizeituni ya Sham; jua huipiga mwanzo wa mchana na mwisho wa siku, ikawa nzuri na yenye harufu nzuri na ni safi zaidi kutokana na mafuta yake. Na kwa hilo akasema: ''Yanakaribia mafuta yake;'' ya usafi wake.; ''kung'aa wenyewe ingawa moto haujayagusa.'' Basi ukiigusa moto; huangaza mwangaza ulio juu sana. ''Nuru juu ya nuru;'' yaani, nuru ya moto na nuru ya mafuta. Sababu ya methali hii aliyoipigia mfano Mwenyezi Mungu, na kutumika kwa hali ya muumini mwenye nuru ya Mwenyezi Mungu moyoni mwake ni kwamba, asili yake aliyoumbwa nayo ni kama mafuta safi. Asili yake ni safi na tayari kwa mafundisho ya kimungu na kazi halali. Ikimfikia elimu na imani; nuru hiyo iliwaka moyoni mwake kama moto unaowaka katika utambi wa taa hiyo, na moyo wake ni msafi kutokamana na makusudio mabaya na ufahamu mbaya juu ya Mwenyezi Mungu. Ikiwa imani itamfikia; atang'ara kwa nuru kubwa kutokana na usafi wake wa uchafu, kama usafi wa chupa ya lulu, hivyo nuru ya asili, na nuru ya imani, na nuru ya elimu, na usafi wa kufahamu nuru juu ya nuru yake. Kwa kuwa hili linatokana na nuru ya Mwenyezi Mungu Mtukufu, na si kila mtu anayefaa kwa hili, amesema, ''Mwenyezi Mungu humuongoza kwa nuru yake amtakaye;'' kutoka kwa wale wanaojua utakatifu wao na usafi wao, na kwamba anamtakasa pamoja naye na kukua. ''Na Mwenyezi Mungu anawapigia watu mifano,'' ili wapate kuwa na akili na kufahamu; hali ya kuwa mpole kwao wao, na awafanyie wema, na ili iwe wazi haki kuliko batili; kwa maana mifano huleta maana ya busara karibu kutokamana na yale yanayoonekana, ili waja waweze kuwafundisha elimu iliyo wazi. ''Na Mwenyezi Mungu ni Mwenye kujua kila kitu.'' Basi elimu yake imezunguka kila kitu, hivyo mnatakiwa kujua kuwa, kupiga kwake mifano ni mfano wa mwenye kujua ukweli wa mambo na undani wake ni manufaa ya waja. Basi na kuwe kushughulika kwenu ni kwa ajili ya kuzingatia na kufikiria, wala siyo kupinga. Hakika najua na nyinyi hamjui.