Al-Muminoon

فَأَوْحَيْنَآ إِلَيْهِ أَنِ ٱصْنَعِ ٱلْفُلْكَ بِأَعْيُنِنَا وَوَحْيِنَا فَإِذَا جَآءَ أَمْرُنَا وَفَارَ ٱلتَّنُّورُ ۙ فَٱسْلُكْ فِيهَا مِن كُلٍّ زَوْجَيْنِ ٱثْنَيْنِ وَأَهْلَكَ إِلَّا مَن سَبَقَ عَلَيْهِ ٱلْقَوْلُ مِنْهُمْ ۖ وَلَا تُخَـٰطِبْنِى فِى ٱلَّذِينَ ظَلَمُوٓا۟ ۖ إِنَّهُم مُّغْرَقُونَ 27

{27} "Tukamfunulia wahyi" tunapomjibu, kufanya sababu na njia ya kuokoka kabla ya kutokea kwa sababu zake, "Unda jahazi mbele ya macho yetu na ufunuo wetu!" Nawe uko katika hifadhi yetu kwa kuwa tunakuona na kukusikia. "Na itakapofika amri yetu" kwa kutuma tufani ambayo waliadhibiwa kwayo, "na ikafurika tanuri." Yaani, ardhi ikafoka, na ikapasuka chemchemi mpaka mahali yenye moto ambapo kulingana na ada maji hayapatikani hapo. "Hapo waingize ndani yake kutoka kwa kila jozi, dume na jike." Yaani, ingiza ndani ya safina kutoka katika kila aina ya wanyama, dume na jike, ili ibakie asili ya uzao wa wanyama wote ambao hekima ya Mwenyezi Mungu ilihitaji waapatikane katika ardhi. "Na ahali zako," pia waingize humo "isipokuwa yule ambaye katika wao juu yake imekwisha tangulia kauli," kama vile mwanawe. "Wala usiniongeleshe kuhusu hao waliodhulumu." Yaani, usiniombe dua kwamba niwaokoe. Kwa maana, hukumu ya majaaliwa imekwisha pitishwa. "Kwani hao bila ya shaka watazamishwa."