Al-Hijr

إِنَّا نَحْنُ نَزَّلْنَا ٱلذِّكْرَ وَإِنَّا لَهُۥ لَحَـٰفِظُونَ 9

{9} Na ikiwa wao ni wakweli, Qur-ani hii Tukufu inawatosha kuwa ni ishara, na ndiyo maana akasema hapa, "Hakika Sisi ndio tuliouteremsha Ukumbusho huu;" yaani, Qur' ani, ambayo ndani yake kuna ukumbusho wa kila kitu miongoni mwa masuala, na ushahidi mbalimbali ulio wazi, na ndani yake anakumbuka anayetaka kukumbuka. "Na hakika Sisi ndio tutakaoulinda;" yaani, katika hali ya kuiteremsha na hata baada ya kuiteremsha. Katika hali ya kuiteremsha, tuliihifadhi kutokana na kusikilizwa na kila shetani aliyelaaniwa, na baada ya kuiteremsha, Mwenyezi Mungu aliitia ndani ya moyo wa Mtume wake na akaitia ndani ya nyoyo za umma wake. Na Mwenyezi Mungu aliyahifadhi maneno yake kutokana na mabadiliko, sawa iwe kwa kuongezea au kupungua, na pia kimehifadhiwa kutokana na kubadilishwa maana zake. Kwa hivyo mpotoshaji yeyote hawezi kupotosha maana miongoni mwa maana zake isipokuwa Mwenyezi Mungu humwekea mwenye kumubainishia haki iliyo wazi. Na hili ni katika ishara kubwa zaidi za Mwenyezi Mungu na neema zake kwa waja wake Waumini. Na katika kukihifadhi ni kwamba Mwenyezi Mungu huwalinda watu wa Qur-ani kutokana na maadui zao, na wala hawapi nguvu adui yeyote wa kuwaangamiza.