Fussilat
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
مَّا يُقَالُ لَكَ إِلَّا مَا قَدْ قِيلَ لِلرُّسُلِ مِن قَبْلِكَ ۚ إِنَّ رَبَّكَ لَذُو مَغْفِرَةٍ وَذُو عِقَابٍ أَلِيمٍ 43
{43} Yaani, "Huambiwi" ewe Mtume unayoambiwa miongoni mwa maneno wanayoyasema hao wanaokukadhibisha na kukukaidi "ila yale yale waliyoambiwa Mitume wa kabla yako." Yaani, hayo na yale ni ya aina moja. Bali huenda walisema maneno yale yale kama vile kushangaa kwa umma wote waliowakadhibisha Mitume wao juu ya kulingania kwao kumkusudia Mwenyezi Mungu peke yake na kumuabudu Yeye tu bila mshirika, na kukataa kwao haya kwa kila njia wawezayo, na kusema kwao: 'Nyinyi si kitu ila watu kama sisi', na kuwapendekezea kwao Mitume wao kuleta ishara ambazo hawalazimiki kuzileta. Na kauli nyinginezo kama hizo za wale wanaokadhibisha. Nyoyo zao zilipofanana katika ukafiri, kauli zao pia zikafanana, lakini Mitume, amani iwe juu yao, wakawa na subira juu ya udhia wao na ukadhibishaji wao. Basi subiri kama walivyosubiri wale waliokuwa kabla yako. Kisha akawaita watubu na kufanya visababu vya msamaha, na akawaonya dhidi ya kuendelea kupotea, akasema: "Hakika Mola wako Mlezi bila ya shaka ni Mwenye maghfira" mengi ambayo kwayo anafuta kila dhambi ya mwenye kuachana na dhambi na akatubia, "na ni Mwenye adhabu chungu" kwa mwenye kuendelea na akatakabari.