As-Saaffaat
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَعِندَهُمْ قَـٰصِرَٰتُ ٱلطَّرْفِ عِينٌ 48 كَأَنَّهُنَّ بَيْضٌ مَّكْنُونٌ 49
{48 - 49} Alipotaja vyakula vyao, vinywaji vyao, jinsi watakavyokaa, na ujumla wa neema na maelezo yake ya kina kama ilivyo katika kauli yake: "Bustani za neema", aliyabainisha mambo haya kwa kina ili yajulikane ili nafsi ziyatamani. Akawataja wake zao, akasema: "Na watakuwa nao wanawake wenye macho ya staha, mazuri." Ima wanawake hawa wana macho ya staha kwa waume zao kwa kuwaelekea wao tu kwa sababu ya usafi wao, na kwa sababu ya uzuri na ukamilifu wa waume wao; kiasi kwamba hawatafuti Peponi yeyote isipokuwa hao, na wala hawatawataka isipokuwa hao tu. Au ni wenye staha kwa sababu waliwafanya waume zao hao kuwaelekea wao tu. Hilo linaonyesha ukamilifu wa uzuri wao mkubwa mno, ambao uliwafanya waume zao kuwatazama wao tu. Kuwatazama kwao waume zao tu pia kunaashiria kwamba wanawapa waume zao hao tu nafsi zao na upendo. Na hizi maana zote mbili zinawezekana, na zote mbili ni sahihi. Yote haya yanaashiria uzuri wa wanaume na wanawake katika Pepo, kupendana kwao wenyewe kwa wenyewe kwa upendo ambao hawawezi kuwatamani wasiokuwa hao, na pia ni ishara ya ukubwa wa ufwasi wao wote, na kwamba humo hakutakuwa na husuda, chuki na kugombana; kwa sababu hakuna sababu za hayo humo. "Wenye macho ya staha mazuri," yenye kufurahisha. "Hao wanawake ni kama mayai yaliyohifadhika" kwa sababu ya uzuri wao, usafi wao, na kwa sababu rangi zao ni rangi bora na nzuri zaidi, ambazo hazina cha kuchukiza wala cha kuwatia dosari.