As-Saaffaat
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
إِنَّهُمْ كَانُوٓا۟ إِذَا قِيلَ لَهُمْ لَآ إِلَـٰهَ إِلَّا ٱللَّهُ يَسْتَكْبِرُونَ 35 وَيَقُولُونَ أَئِنَّا لَتَارِكُوٓا۟ ءَالِهَتِنَا لِشَاعِرٍ مَّجْنُونٍۭ 36
{35 - 36} Kisha akataja kuwa uhalifu wao ulifikia na hata kuvuka kiwango cha mwisho kabisa. Akasema: "Wao walipokuwa wakiambiwa La ilaha illa 'Llahu (Hapana mungu ila Mwenyezi Mungu tu)" wakalinganiwa kwake, na wakaamrishwa kuacha kuwafanyia uungu wasiokuwa Yeye, "walijivuna" wakiyakataa hayo na wakimpinga yule aliyewajia nayo. Na pia walikuwa "wakisema" kwa njia ya kuyapinga: "Hivyo sisi tuiache miungu yetu" ambayo hatujaacha kuiabudu, sisi na baba zetu, "kwa ajili ya huyu mtunga mashairi mwendawazimu?" Wakimaanisha Muhammad, rehema na amani za Mwenyezi Mungu ziwe juu yake. Hawakutosheka - Mwenyezi Mungu awaangamize - na kumpa mgongo na kumkanusha, lakini pia wakamhukumu kwa hukumu yenye dhuluma kubwa zaidi. Akamfanya kuwa mshairi kichaa, na ilhali wanajua kwamba yeye hayajui mashairi wala washairi, wala hasifiki na sifa zao, bali walijua vyema kwamba yeye ndiye mwenye akili zaidi katika viumbe wa Mwenyezi Mungu na mwenye maoni bora zaidi yao wote.