Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
يَـٰٓأَيُّهَا ٱلنَّاسُ كُلُوا۟ مِمَّا فِى ٱلْأَرْضِ حَلَـٰلًا طَيِّبًا وَلَا تَتَّبِعُوا۟ خُطُوَٰتِ ٱلشَّيْطَـٰنِ ۚ إِنَّهُۥ لَكُمْ عَدُوٌّ مُّبِينٌ 168
(168) Haya ni maneno kwa watu wote, Waumini wao na makafiri wao. Basi akawaonyesha ihisani kwamba aliwaamrisha wale kila kilichomo ardhini, kama nafaka, mazao, matunda na wanyama hali ya kuwa ni “halali.” Yani kwa namna inaruhusika kwenu kuvitumia, sio kwa nguvu wala kwa wizi, wala kuvipata kwa mapatano ya haramu au kwa namna iliyo haramu; au kwa kusaidia juu ya kilicho haramu. “Na vizuri,” yani sio vibaya kama vile nyamafu, damu, nyama ya nguruwe na machafu yote. Na katika Aya hii, kuna dalili ya kwamba hali ya asili katika vitu ni kuruhusiwa: Kula na kunufaika. Na kwamba kilichoharamishwa ni aina mbili: Ima kimeharamishwa chenyewe, nacho ndicho kichafu ambacho ni kinyume cha kizuri. Na ima ni haramu kwa sababu ya kilichokifikia, hivyo ni haramu kwa sababu kinaambatana na haki ya Mwenyezi Mungu, au haki ya waja wake, na hiki ni kinyume cha halali. Na kuna dalili ya kwamba ni lazima kula kadri inavyoweka muundo sawa. Na mwenye kuacha anapata dhambi kwa sababu ya inavyoonekana katika udhahiri wa amri hii. Na alipowaamrisha kuyafuata yale aliyowaamrisha, - kwa kuwa huko ndiko kutengea kwao kwenyewe, - akawakataza kufuata “nyayo za Shet'ani.” Yani njia zake ambazo yeye huziamrisha. Nazo ni madhambi yote kama vile kufuru, kupindukia mipaka, dhuluma, na inaingia ndani ya hilo kuharamisha Assawaib. (Nao ni ngamia walioachiliwa huru kwa sababu ya masanamu yao.) Na Haam (yani ngamia wa kiume anayezalisha wanangamia kumi, hivyo akaachiliwa huru) na mfano wa hayo. Na yanaingia katika hilo pia kula vyakula vilivyoharamishwa. “Hakika yeye ni adui yenu aliye dhahiri.” Yani mwenye uadui wa dhahiri, hivyo hataki katika kuuamrisheni isipokuwa kuwapunja, na kwamba muwe miongoni mwa wa wenza wa Moto mkali. Na Mola wetu Mlezi hakutoshea katika kutukaza tu kufuata nyayo zake. Mpaka alipotuambia – naye ndiye mkweli zaidi wa wale wanaosema - juu ya uadui wake unaotaka mtu kujitahadharisha naye. Kisha hakutoshea kwa hilo mpaka akatujulisha yale anayoamrisha kwa kina, na kwamba ndivyo vitu viovu zaidi, na vyenye uharibifu mkubwa zaidi, akasema: