Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
ٱلَّذِينَ إِذَآ أَصَـٰبَتْهُم مُّصِيبَةٌ قَالُوٓا۟ إِنَّا لِلَّهِ وَإِنَّآ إِلَيْهِ رَٰجِعُونَ 156
(156) “Wale ambao ukiwapata msiba.” Nao (msiba) ni kila kinachoumiza moyo au mwili au vyote viwili katika yale yaliyotangulia kutajwa. “Husema: Hakika sisi ni wa Mwenyezi Mungu.” Yani tunamilikiwa na Mwenyezi Mungu, tunasimamiwa, chini ya amri yake na uendeshaji wake. Kwa hivyo, hatuna chochote katika nafsi zetu wala mali zetu. Basi ikitujaribu na kitu katika hayo, basi Yeye Mwingi wa Rehema atakuwa amewaendesha wamilikiwa wake na mali zake. Kwa hivyo hakuna pingamizi dhidi yake. Bali katika ukamilifu wa utumwa wa mja, ni kujua kwake kwamba kutokea kwa msiba ni kutoka kwa Mmiliki mwenye hekima. Ambaye ana huruma zaidi kwa mja wake kwa nafsi yake mwenyewe, hivyo hilo likawa linamfanya kumridhia Mwenyezi Mungu na kumshukuru juu ya usimamizi kwa lile ambalo ni bora kwa mja wake, hata kama haoni hivyo. Na sisi ni wamilikiwa wa Mwenyezi Mungu, kwa hivyo tutarejea kwake Siku ya Kiyama, na kila mtendaji atalipwa kwa matendo yake. Kwa hivyo, tukiwa na subira na kutarajia malipo, tutapata malipo yetu ni mengi kwake. Na ikiwa tutalalamika na kutoridhika, basi bahati yetu haitakuwa ila kutoridhika na kupoteza malipo. Kwa hivyo kuwa mja wa Mungu na kurejea kwake ni katika sababu zenye nguvu zaidi za kuwa na subira.