Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَدَّ كَثِيرٌ مِّنْ أَهْلِ ٱلْكِتَـٰبِ لَوْ يَرُدُّونَكُم مِّنۢ بَعْدِ إِيمَـٰنِكُمْ كُفَّارًا حَسَدًا مِّنْ عِندِ أَنفُسِهِم مِّنۢ بَعْدِ مَا تَبَيَّنَ لَهُمُ ٱلْحَقُّ ۖ فَٱعْفُوا۟ وَٱصْفَحُوا۟ حَتَّىٰ يَأْتِىَ ٱللَّهُ بِأَمْرِهِۦٓ ۗ إِنَّ ٱللَّهَ عَلَىٰ كُلِّ شَىْءٍ قَدِيرٌ 109
(109) Kisha akajulisha kuhusu husuda ya wengi katika Watu wa Kitabu, na ya kwamba wamefikia hali ya kuwa wanatamani, "lau wangekurudisheni nyinyi muwe makafiri baada ya kuamini kwenu." Na wakafanya juhudi katika hilo, na wakafanya hila mbalimbali, lakini hila zao zinawarudia kama alivyosema Mtukufu. "Na kikundi katika Watu wa Kitabu walisema: Yaaminini yale waliyoteremshiwa wenye kuamini mwanzo wa mchana, na yakataeni mwisho wake; huenda wakarejea." Na hii ni kutokana na husuda yao itokayo katika nafsi zao. Lakini Mwenyezi Mungu akawaamrisha wakabiliane na wale waliowaudhi [vibaya mno] kwa kuwasamehe na kuwatupilia mbali mpaka Mwenyezi Mungu atakapoleta amri yake. Kisha baada ya hayo, Mwenyezi Mungu akawaletea amri yake kwamba wafanye jihadi. Hivyo basi, Mwenyezi Mungu akaziponya nafsi za Waumini kutokana nao, na wakawauwa waliowauwa, na wakawafanya watumwa, na wakawatoa wale waliowatoa. "Hakika Mwenyezi Mungu ni Muweza wa kila kitu."