Al-An'aam
Kani waa tarjumaad tafsiirka as-Saʿdī sida IslamHouse.com ugu daabacdo saadi.islamenc.com, oo laga akhriyay bogagga goobtaas. Goobtu ma sheegayso cidda tarjuntay ama daabacaadda la daabacay ee ay raacayso, mana sheegayso shuruudo qaadashada qoraalkeeda ah, sidaas darteed xaqa muujinteeda lama xaqiijin. Qofna ma barbardhigin buug la daabacay, aqoonyahanna ma dib u eegin. Qayb kasta waxay ag taagan tahay aayadaha ay ka hadlayso, kuwaas oo ah qoraalka Quraanka ee Tanzil, sida uu ugu yaal halkaas; aayad goobtu aanay faallo u gaar ah ka bixin waxay la taagan tahay qaybta ka horraysa, tusmaduna waxay magacaabaysaa aayad kasta oo caynkaas ah. Sabīl wax ka mid ah ma qorin, mana tarjumin.
Qoraalka waxaa laga helaysaadi.islamenc.comIslamHouse.comnone stated (the site names no licence and no terms for taking its text)la qaaday 2026-10-22
قُل لِّمَن مَّا فِى ٱلسَّمَـٰوَٰتِ وَٱلْأَرْضِ ۖ قُل لِّلَّهِ ۚ كَتَبَ عَلَىٰ نَفْسِهِ ٱلرَّحْمَةَ ۚ لَيَجْمَعَنَّكُمْ إِلَىٰ يَوْمِ ٱلْقِيَـٰمَةِ لَا رَيْبَ فِيهِ ۚ ٱلَّذِينَ خَسِرُوٓا۟ أَنفُسَهُمْ فَهُمْ لَا يُؤْمِنُونَ 12
{12} Yeye Mtukufu anamwambia Nabii wake - rehema na amani zimshukie - "Sema" washirikina hawa [kwa Mwenyezi Mungu] ukiwafanya kukukiri, na ukiwafanya wailazimu Tauhidi: Ni vya nani vilivyo katika mbingu na katika ardhi?" Yaani, ni nani Muumba wa hivyo, Mmiliki wake, Mwenye kuviendesha? "Sema," ukiwaambia, "Ni vya Mwenyezi Mungu," nao wanakiri hilo wala hawalikanushi. Je, kwa nini wanapomkiria Mwenyezi Mungu upweke katika ufalme na kuendesha mambo, hawakumkiria pia kumfanyia mambo kwa ikhlas na kumuabudu Yeye tu. "Yeye ameiandika rehemu juu ya nafsi yake;" Yaani, ulimwengu wa juu na wa chini uko chini ya ufalme wake na uendeshaji Wake. Naye Mtukufu amewakunjulia rehema zake na ihsan yake, na akawafunika kwa rehema zake na neema zake; na akajiandikia andiko kwamba rehema yake inashinda ghadhabu yake. Na kwamba, kutoa ni kupendeza zaidi Kwake kuliko kuzuilia, na kwamba Mwenyezi Mungu amewafungulia waja wake wote milango ya rehema ikiwa hawataifunga wenyewe milango yake kwa dhambi zao, na akawaita kwayo ikiwa dhambi zao na makosa hayatawazuia kuitafuta. Na kauli yake, "Hakika atawakusanya hadi Siku ya Qiyama isiyokuwa na shaka."Na hiki ni kiapo kutoka kwake, na Yeye ndiye Mkweli zaidi wa watoa habari. Na amesimamisha juu ya hayo hoja na ushahidi yenye kuyafanya kuwa yakini ya uhakika, lakini madhalimu walikataa isipokuwa kukanusha tu. Na wakakanusha uwezo wa Mwenyezi Mungu wa kufufuliwa kwa viumbe, kwa hivyo wakaanguka katika kumuasi, wakafanya ujasiri juu ya kumkufuru Yeye. Kwa hivyo wanahasiri dunia yao na akhera yao, na ndiyo maana akasema; "Wale waliojihasiri nafsi zao, wao hawaamini."