Ibrahim
Kani waa tarjumaad tafsiirka as-Saʿdī sida IslamHouse.com ugu daabacdo saadi.islamenc.com, oo laga akhriyay bogagga goobtaas. Goobtu ma sheegayso cidda tarjuntay ama daabacaadda la daabacay ee ay raacayso, mana sheegayso shuruudo qaadashada qoraalkeeda ah, sidaas darteed xaqa muujinteeda lama xaqiijin. Qofna ma barbardhigin buug la daabacay, aqoonyahanna ma dib u eegin. Qayb kasta waxay ag taagan tahay aayadaha ay ka hadlayso, kuwaas oo ah qoraalka Quraanka ee Tanzil, sida uu ugu yaal halkaas; aayad goobtu aanay faallo u gaar ah ka bixin waxay la taagan tahay qaybta ka horraysa, tusmaduna waxay magacaabaysaa aayad kasta oo caynkaas ah. Sabīl wax ka mid ah ma qorin, mana tarjumin.
Qoraalka waxaa laga helaysaadi.islamenc.comIslamHouse.comnone stated (the site names no licence and no terms for taking its text)la qaaday 2026-10-22
يَوْمَ تُبَدَّلُ ٱلْأَرْضُ غَيْرَ ٱلْأَرْضِ وَٱلسَّمَـٰوَٰتُ ۖ وَبَرَزُوا۟ لِلَّهِ ٱلْوَٰحِدِ ٱلْقَهَّارِ 48
{48} "Siku itakapogeuzwa ardhi iwe ardhi nyingine, na mbingu pia" ibadilishwe isiwe mbingu tena. Na kubadilisha huku ni kubadilisha sifa, siyo uhalisia wake. Kwa maana Siku ya Qiyama ardhi itasawazishwa na kutandazwa kama kutandazwa kwa ngozi, na vitaangushwa vilivyo juu yake kama vile milima na alama mbalimbali, kisha itakuwa tambarare, uwanda. Hutaona humo mdidimio wala mwinuko. Nayo mbingu itakuwa kama maadeni iliyoyeyushwa kwa sababu ya ugumu wa mahangaiko ya siku hiyo. Kisha Mwenyezi Mungu Mtukufu ataikunja kwa mkono wake wa kulia. "Nao;" yaani, viumbe "watajitokeza" kutoka makaburini mwao katika mahali ambapo hapana kitakachofichikana kwa Mwenyezi Mungu. "Mbele ya Mwenyezi Mungu Mmoja, Mshindi;" Yaani, wa Pekee katika ukuu wake, majina yake na sifa zake, na matendo yake makuu, na ushindi wake juu ya walimwengu wote. Wote watakuwa chini ya udhibiti wake na uendeshaji wake. Na hakuna atakayefanya harakati zozote wala kutulia miongoni mwao isipokuwa kwa idhini yake.