At-Tawba
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
لَّيْسَ عَلَى ٱلضُّعَفَآءِ وَلَا عَلَى ٱلْمَرْضَىٰ وَلَا عَلَى ٱلَّذِينَ لَا يَجِدُونَ مَا يُنفِقُونَ حَرَجٌ إِذَا نَصَحُوا۟ لِلَّهِ وَرَسُولِهِۦ ۚ مَا عَلَى ٱلْمُحْسِنِينَ مِن سَبِيلٍ ۚ وَٱللَّهُ غَفُورٌ رَّحِيمٌ 91
{91} Alipowataja wale waliotoa udhuru, nao walikuwa wa makundi mawili: kundi moja lilikuwa limeruhusiwa udhuru wao kisheria, na kundi lingine lilikuwa halikuruhusiwa. Akataja hilo kwa kauli yake, “Hakuna lawama juu ya wanyonge” katika miili yao na machoni mwao, wale wasiokuwa na nguvu za kutoka kwenda katika vita, "wala juu ya wagonjwa." Na hili linajumuisha kila aina ya maradhi ambayo mgonjwa mwenyewe hawezi kutoka kwenda katika jihadi miongoni mwa vilema, na vipofu, na kuvimba kwa utando unaozunguka mapafu, na kupooza, na mengineyo. "Wala juu ya wale wasiopata cha kutoa;” yaani, wale wasiopata masurufu ya safarini wala kipando, cha kusafiri kwacho katika safari yao. Basi hawa hakuna lawama juu yao kwa sharti kwamba wamsafie Mwenyezi Mungu na Mtume wake. Nayo ni kwamba wawe wakweli wa imani, na kwamba wafanye wawezayo kama vile kuhimiza, na kukakamua, na kutia moyo juu ya kufanya jihadi. "Hakuna njia ya kuwalaumu wanaofanya mazuri." Yaani, hakuna njia yoyote ambayo wataweza kulaumiwa. Kwani wao kwa sababu ya kufanya kwao wema katika haki zilizo juu yao za Mwenyezi Mungu na haki za waja wake, waliangusha lawama dhidi yao chini. Na mja anapofanya wema katika yale anayoweza kufanya, yanamwondokea yale asiyoweza. Na aya hii hutumika kama ushahidi juu ya kanuni ambayo ni kwamba mwenye kuwafanyia wengine wema katika nafsi yake, au katika mali yake, au mfano wa hayo, kisha wema wake huo ukasababisha upungufu au uharibifu, basi yeye hapaswi kudhamini; kwa sababu yeye ni mtenda wema, na wala hakuna njia yoyote ya kumlaumu mtenda wema. Vile vile inaashiria kwamba mtu asiyefanya wema, naye ni mtenda mabaya, kama vile anayepitiliza kiasi, kwamba yeye analazimika kudhamini. "Na Mwenyezi Mungu ni Mwenye kusitiri dhambi, Mwenye kurehemu.” Na katika kusitiri kwake dhambi na rehema yake, ni kwamba aliwasamehe wasiojiweza, na akawalipa kwa nia zao thabiti malipo ya wenye uwezo wanaotenda.