At-Tawba
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَمِنْهُم مَّن يَقُولُ ٱئْذَن لِّى وَلَا تَفْتِنِّىٓ ۚ أَلَا فِى ٱلْفِتْنَةِ سَقَطُوا۟ ۗ وَإِنَّ جَهَنَّمَ لَمُحِيطَةٌۢ بِٱلْكَـٰفِرِينَ 49
{49} Yaani, miongoni mwa wanafiki hao yuko anayeomba ruhusa ya kubaki nyuma na akatoa udhuru mwingine wa ajabu. Akasema, "Niruhusu" katika kubaki nyuma, "wala usinifitini" katika kutoka. Kwani ikiwa nitatoka, na nikawaona wanawake wa Banu Al-Asfar, sitawezi kuwavumilia mbele yao. Kama alivyosema hivyo Aljaddu bin Qais. Na makusudio yake - Mwenyezi Mungu amweke mbali na heri - ni kujionyesha na unafiki. Kwamba nia yangu ni njema; kwa maana katika kutoka kwangu kuna majaribu, na kujiweka mbele ya uovu, na katika kutotoka kwangu kuna salama na kujiepusha na uovu. Mwenyezi Mungu Mtukufu akasema akibainisha uongo wa kauli hii "kwa yakini wao hivyo wamekwisha tumbukia katika fitina," kwani ikiwa itachukuliwa kwamba msemaji huyu ni anasema ukweli katika makusudio yake, basi katika kusalia kwake nyuma kuna uovu mkubwa zaidi na majaribu makubwa zaidi ya uhakika. Nao ni kumuasi Mwenyezi Mungu na kumuasi Mtume wake na kufanya dhambi kubwa kwa ujasiri, na uwongo mkubwa. Na ama kutoka kwenda, basi ni madhara madogo kwa kulinganisha na kusalia nyuma. Kwani, hayo ni ya kudhaniwa tu pamoja na kwamba msemaji huyu makusudio yake ni kusalia nyuma, si lingine. Basi ndiyo maana akawaahidi adhabu kwa kauli yake, "Na hakika Jahannam imewazunguka makafiri" hawana pa kutokea humo, wala kimbilio, wala ukombozi, wala wokovu.