At-Tawba
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
مَا كَانَ لِأَهْلِ ٱلْمَدِينَةِ وَمَنْ حَوْلَهُم مِّنَ ٱلْأَعْرَابِ أَن يَتَخَلَّفُوا۟ عَن رَّسُولِ ٱللَّهِ وَلَا يَرْغَبُوا۟ بِأَنفُسِهِمْ عَن نَّفْسِهِۦ ۚ ذَٰلِكَ بِأَنَّهُمْ لَا يُصِيبُهُمْ ظَمَأٌ وَلَا نَصَبٌ وَلَا مَخْمَصَةٌ فِى سَبِيلِ ٱللَّهِ وَلَا يَطَـُٔونَ مَوْطِئًا يَغِيظُ ٱلْكُفَّارَ وَلَا يَنَالُونَ مِنْ عَدُوٍّ نَّيْلًا إِلَّا كُتِبَ لَهُم بِهِۦ عَمَلٌ صَـٰلِحٌ ۚ إِنَّ ٱللَّهَ لَا يُضِيعُ أَجْرَ ٱلْمُحْسِنِينَ 120
{120} Yeye Mtukufu Anasema akiwahimiza watu wa Madina miongoni mwa Wahajiri, Ansari, na wale walio pembezoni mwake miongoni mwa Mabedui waliosilimu na wakawa Waislamu wazuri: “Haiwafailii watu wa Madina na Mabedui walio kando kando yao kusalia nyuma wasitoke na Mtume.” Yaani, haliwafailii hilo wala haliendani na hali zao. "Wala kujipendelea nafsi zao” katika kubakia kwake na kustarehesha kwake, na kutulia kwake “kuliko nafsi yake” tukufu na iliyo safi. Bali Nabii anastahili zaidi Waumini kuliko wao wenyewe. Basi ni juu ya Kila Muislamu ajitoe mhanga kwa ajili ya Nabii - rehema na amani za Mwenyezi Mungu zimshukie - na amtangulize yeye mbele yake. Kwa hivyo, alama ya kumfanyia Mtume taadhima, na kumpenda, na kumuani kikamilifu ni kwamba wasisalie nyuma yake. Kisha akataja malipo yenye kumfanya mtu kutoka, akasema: "Hayo ni kwa sababu wao;" yaani, wale wanaofanya jihadi katika njia ya Mwenyezi Mungu, "hakiwapati kiu, wala machovu, wala njaa, katika Njia ya Mwenyezi Mungu, wala hawendi mahali panapowaghadhibisha makafiri,” kwa sababu ya kuingia katika makazi yao na kuziteka nchi zao. "Wala hakiwapati chochote kutokana na maadui” kama vile kushinda jeshi au kikosi cha kijeshi au kuchukua mali kama ngawira, “isipokuwa huandikiwa kuwa ni kitendo chema.” Kwa sababu, hizi ni athari zinazotokana na vitendo vyao. "Hakika Mwenyezi Mungu haupotezi ujira wa wanaofanya uzuri” ambao walifanya uzuri kwa kuharakisha kwao kufuata amri ya Mwenyezi Mungu na kutekeleza kwao yanayowapasa katika haki yake na haki ya viumbe wake. Basi matendo haya ni athari miongoni mwa athari za matendo yao.