At-Tawba
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
لَا تَقُمْ فِيهِ أَبَدًا ۚ لَّمَسْجِدٌ أُسِّسَ عَلَى ٱلتَّقْوَىٰ مِنْ أَوَّلِ يَوْمٍ أَحَقُّ أَن تَقُومَ فِيهِ ۚ فِيهِ رِجَالٌ يُحِبُّونَ أَن يَتَطَهَّرُوا۟ ۚ وَٱللَّهُ يُحِبُّ ٱلْمُطَّهِّرِينَ 108
{108} "Usisimame ndani yake kabisa;” yaani, usiswalie kamwe katika msikiti huo ambao ulijengwa kwa ajili ya madhara. Mwenyezi Mungu atakutosheleza usiuhitaji, na wala hukulazimika kuswalia humo. "Msikiti uliojengwa juu ya msingi wa uchamungu tangu siku ya mwanzo,” ambayo Uislamu uliingia Quba, nao ni Msikiti wa Quba uliosimamishwa juu ya msingi wa kumfanyia dini Mwenyezi Mungu tu na kusimamisha utajo wake na ibada mbalimbali za dini yake; na ulikuwa ni wa kale na mkuu katika hili. Basi Msikiti huu mbora "unastahiki zaidi wewe usimame ndani yake,” na uabudu na umtaje Mwenyezi Mungu Mtukufu. Basi huo ni bora, na watu wake ni bora, na ndiyo maana Mwenyezi Mungu akawasifu kwa kauli yake: "Humo wamo wanaume wanaopenda kujitakasa” kutokana na madhambi, na wanaojitakasa kutokana na uchafu, na najisi, na hadathi. Na inavyojulikana ni kwamba mwenye kupenda kitu, ni lazima ajitahidi kwa ajili yake na kufanya bidii katika hicho anachokipenda. Na ni lazima kwamba wao walikuwa wanalijali sana jambo la kujisafisha kutokana na madhambi, na uchafu, na hadathi. Na ndiyo maana wakawa miongoni mwa wale waliotangulia kusilimu, na walikuwa wakiisimamisha Swala, na wakiidumisha jihadi pamoja na Mtume wa Mwenyezi Mungu – rehema na amani ziwe juu yake - na kusimamisha ibada za Dini, na miongoni mwa wale ambao walikuwa wakichunga kutokwenda kinyume nao ni Mwenyezi Mungu na Mtume wake. Baada ya kuteremka Aya hii ikiwasifu, Nabii - rehema na amani zimshukie - akawauliza kuhusu kujisafisha kwao. Wakamwambia kwamba wanafuatisha mawe maji, kwa hivyo akawasifu kwa kitendo chao hicho. “Na Mwenyezi Mungu anawapenda wanaojitakasa” utakaso wa kimaana, kama vile kujiepusha na shirki na tabia mbaya, na utakaso wa kimwili, kama vile kuondoa najisi, na hadathi.