Al-Anfaal
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
ذَٰلِكُمْ فَذُوقُوهُ وَأَنَّ لِلْكَـٰفِرِينَ عَذَابَ ٱلنَّارِ 14
{14} "Hiyo" adhabu iliyotajwa, "basi ionjeni" enyi mnaompinga Mwenyezi Mungu na Mtume wake ni adhabu ya haraka. "Basi hakika Mwenyezi Mungu ni Mkali wa kuadhibu.” Na katika kisa hiki kuna baadhi ya ishara kubwa za Mwenyezi Mungu zinazoashiria kuwa yale aliyokuja nayo Muhammad -rehema na amani ziwe juu yake - Mtume wa Mwenyezi Mungu ni kweli. Miongoni mwake ni kwamba, Mwenyezi Mungu aliwaahidi ahadi, na akawatekelezea ahadi hiyo. Na miongoni mwake ni yale aliyoyasema Mwenyezi Mungu: "Hakika, mlikuwa na Ishara katika yale makundi mawili yalipokutaka (katika vita). Kundi moja likipigana katika Njia ya Mwenyezi Mungu, nalo lingine kafiri likiwaona zaidi kuliko wao mara mbili, kwa kuona kwa macho..." hadi mwisho wa Aya. Na miongoni mwake ni Mwenyezi Mungu kuwaitikia dua Waumini wanapomwomba msaada kwa sababu alizozitaja. Na ndani yake kuna kuijali sana hali ya waja wake Waumini, na kuwawekea sababu ambazo kwazo imani yao iliimarika, na miguu yao ikaimarika, na yakawaondokea machukizo, na wasiwasi za kishetani. Na miongoni mwake ni kwamba, katika upole wa Mwenyezi Mungu kwa mja wake ni kumsahilishia kumtii Yeye, na kumrahisishia hilo kwa sababu za kindani na za kinje.