Al-An'aam
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَذَرِ ٱلَّذِينَ ٱتَّخَذُوا۟ دِينَهُمْ لَعِبًا وَلَهْوًا وَغَرَّتْهُمُ ٱلْحَيَوٰةُ ٱلدُّنْيَا ۚ وَذَكِّرْ بِهِۦٓ أَن تُبْسَلَ نَفْسٌۢ بِمَا كَسَبَتْ لَيْسَ لَهَا مِن دُونِ ٱللَّهِ وَلِىٌّ وَلَا شَفِيعٌ وَإِن تَعْدِلْ كُلَّ عَدْلٍ لَّا يُؤْخَذْ مِنْهَآ ۗ أُو۟لَـٰٓئِكَ ٱلَّذِينَ أُبْسِلُوا۟ بِمَا كَسَبُوا۟ ۖ لَهُمْ شَرَابٌ مِّنْ حَمِيمٍ وَعَذَابٌ أَلِيمٌۢ بِمَا كَانُوا۟ يَكْفُرُونَ 70
{70} Kinachokusudiwa kwa waja ni kuwa na ikhlasi kwa mwenyezi Mungu katika dini kwa kumwabudu Yeye pekee, bila mshirika yeyote, na wafanye wawezalo ili kumridhisha Yeye na kumpenda. Na hilo linajumuisha moyo kuja kwa Mwenyezi Mungu na kumuelekea, na kwamba juhudi ya mja iwe yenye manufaa, na yenye bidii na si ya mzaha, na ikhlasi kwa uso wa Mwenyezi Mungu na siyo kwa kujionyesha wala kusifiwa. Na hii ndiyo Dini ya hakika ambayo inasemwa; Dini. Ama mwenye kudai kuwa yuko katika haki, na kwamba yeye ni mwenye dini na uchamungu, na ilhali aliifanya dini yake kuwa ni mchezo na pumbao, kwa kuwa moyo wake ulifanya pumbao ukaacha kumpenda mwenyezi mungu na kumjua. Na akayajia kila yenye kumdhuru, na akafanya pumbao katika batili yake, na akacheza ndani yake kwa mwili wake. Kwa sababu matendo na juhudi ikiwa ni kwa ajili ya asiyekuwa Mwenyezi Mungu, basi hayo ni mchezo. Na kwa sababu hii Mwenyezi Mungu mtukufu akaamrisha ya kwamba aachwe, na atahadhariwe, na wala mtu asidanganywe naye; na iangaliwe hali yake, na mtu ajitahadhari na matendo yake; na wala asidanganywe na kuzuia kwake yale yenye kumuweka mtu karibu na Mwenyezi Mungu. "Nawe kumbusha kwayo;" yaani, kumbusha kwa Qur-aani yale yenye kuwanufaisha waja kwa amri na kwa undani, na kwa kuiboresha kwa kutaja yale yaliyomo ya sifa nzuri nzuri, na yale yanayowadhuru waja kwa kuyakataza, na kubainisha kwa undani aina zake, na kubainisha yale yaliyomo ya sifa mbaya, mbovu zenye kuitia kuyaacha. Na yote haya ni ili nafsi yoyote ile isiangamizwe kwa yale iliyoyachuma. Yaani, kabla mja hajaingia katika madhambi na kumfanyia ujasiri Mwenye kuyajua vyema ya ghaibu na kuendelea kwake kufanya hayo yanayohofisha. Kwa hivyo ikumbushe na ipe mawaidha ili ijizuie, na ikomeke, na iache kuyafanya. Na kauli yake, "hali ya kuwa haina kando na Mwenyezi Mungu, mlinzi yeyote wala mwombezi." Yaani kabla ya kumzunguka madhambi yake, kisha hakuna hata mmoja katika viumbe atakayeinufaisha, si jamaa wala rafiki, na wala hakuna wa kuisimamia kando na Mwenyezi Mungu yeyote wala mwombezi wa kuiombea. "Na hata ikitoa kila fidia;" yaani, ikitoa kila fidia, hata kama ni kwa dhahabu ya ujazo wa ardhi, "haitakubaliwa kutoka kwake." Yaani, haitakubalika wala haitafaa. "Hao," walioelezwa kuwa yale yaliyotajwa, "ndio walioangamizwa;" na wakakata tamaa ya heri yoyote. Na hayo ni "kwa sababu ya yale waliyoyachuma. Wao wana kinywaji cha maji ya moto kabisa." Yaani, maji ya moto ambayo joto lake linafikia kubambua nyuso zao na kuyakata matumbo yao; "na adhabu chungu kwa yale waliyokuwa wakikufuru."