Al-An'aam
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَعِندَهُۥ مَفَاتِحُ ٱلْغَيْبِ لَا يَعْلَمُهَآ إِلَّا هُوَ ۚ وَيَعْلَمُ مَا فِى ٱلْبَرِّ وَٱلْبَحْرِ ۚ وَمَا تَسْقُطُ مِن وَرَقَةٍ إِلَّا يَعْلَمُهَا وَلَا حَبَّةٍ فِى ظُلُمَـٰتِ ٱلْأَرْضِ وَلَا رَطْبٍ وَلَا يَابِسٍ إِلَّا فِى كِتَـٰبٍ مُّبِينٍ 59
{59} Aya hii kubwa ni miongoni mwa Aya kubwa kabisa katika kubainisha elimu Yake iliyoenea kila kitu. Na kwamba Yeye imeizunguka ghaibu yote, ambayo Anaonyesha kwayo atakavyo kwa viumbe Vyake, na nyingi katika hiyo Ameificha elimu yake kutoka kwa Malaika wa karibu zaidi na Manabii waliotumwa; achilia mbali wasiokuwa wao miongoni mwa walimwengu wengine. Na kwamba, Yeye anayajua yaliyomo katika majangwa, na nyika miongoni mwa wanyama, na miti, na mchanga, na changarawe, na udongo, na vilivyomo ndani ya bahari miongoni mwa wanyama wake, madini yake, na mawindo yake, na vitu vinginevyo vilivyomo katika sehemu pande zake, na vinajumuishwa na maji yake. "Na halidondoki jani lolote," kutoka katika miti ya nchi kavu, na bahari, na miji mbalimbali, na nyika, na dunia, na Akhera, isipokuwa Analijua."Wala punje katika giza mbalimbali ya ardhi" miongoni mwa punje za matunda na mimea, na punje za mbegu ambazo viumbe wanazipanda, na mbegu za mimea ya porini ambazo kwazo zinatoka aina mbalimbali za mimea. "Wala kinyevu, wala kikavu. Huu ni jumla baada ya umaalumu "isipokuwa kimo katika Kitabu kinachobainisha;" ambacho ni Ubao uliohifadhiwa. Ambao Alivibeba na kuvijumuisha; na baadhi ya haya yaliyotajwa yanashangaza akili za watu wenye akili timamu, na yanashangaza nyoyo za watu watukufu. Kwa hivyo hili likaashiria ukubwa wa Mola Mlezi Mkuu na ukunjufu wake katika sifa zake zote, na kwamba viumbe tokea wa mwanzo wake hadi wa mwisho wake, lau watakusanyika ili wazunguke vyema baadhi ya sifa zake; hawangekuwa na nguvu zozote wala uwezo wa kufanya hivyo. Basi ni mwingi wa baraka Mola Mlezi Mkuu, Mwenye wasaa, Mwenye kujua yote, Msifiwa, Mheshimiwa, Mwenye kushuhudia yote, Mwenye kuzunguka vyote, na ametukuka Mungu hakuna anayeweza vyema kumsifu. Bali Yeye yuko vile alivyojisifu Mwenyewe, na juu ya vile waja Wake wanavyomsifu. Basi Aya hii iliashiria elimu Yake iliyokizunguka kila kitu na andiko lake lililoyazunguka matukio yote.