Al-An'aam
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
قُلْ أَغَيْرَ ٱللَّهِ أَبْغِى رَبًّا وَهُوَ رَبُّ كُلِّ شَىْءٍ ۚ وَلَا تَكْسِبُ كُلُّ نَفْسٍ إِلَّا عَلَيْهَا ۚ وَلَا تَزِرُ وَازِرَةٌ وِزْرَ أُخْرَىٰ ۚ ثُمَّ إِلَىٰ رَبِّكُم مَّرْجِعُكُمْ فَيُنَبِّئُكُم بِمَا كُنتُمْ فِيهِ تَخْتَلِفُونَ 164
{164} "Sema: "Je nimtafute Mola Mlezi asiyekuwa Mwenyezi Mungu" miongoni mwa viumbe. Yaani, je ni zuri hilo, na inanifailia kwamba nimchukue asiyekuwa Yeye kuwa ndiye Mlezi na Mwendesha mambo, na Mwenyezi Mungu ndiye Mola Mlezi wa kila kitu? Basi viumbe vyote viko chini ya Umola Wake, na vinaifuata amri Yake. Kwa hivyo ikawa ni wajibu kwangu na wengineo kumchukua Mwenyezi Mungu kuwa ndiye Mola Mlezi na amridhie, na kwamba asifungamane na yeyote miongoni mwa wanaolelewa, wenye mahitaji, wasio na uwezo. Kisha akatia moyo, na akahofisha kwa malipo hayo, akasema, "Na wala haichumi kila nafsi" katika heri na uovu "isipokuwa ni juu yake." Kama Mwenyezi Mungu Mtukufu alivyosema, "Mwenye kutenda mema, basi ni kwa ajili ya nafsi yake. Na mwenye kutenda uovu, ni juu yake mwenyewe." "Na wala hatabeba mbeba mzigo, mzigo wa mwingine." Bali kila mmoja ni juu yake mzigo wa nafsi yake. Na ikiwa yeyote alisababisha kupotea kwa wengine na mzigo wake, basi ni juu yake mzigo wa kusababisha, bila ya kupunguza katika mzigo wa aliyetenda hasa. "Kisha kwa Mola wenu Mlezi ndiyo marejeo yenu" Siku ya Qiyama. "Kisha atawajulisha yale mliyokuwa mkihitalifiana ndani yake;" ya heri na maovu. Na Atawalipa kwa hayo malipo kamili zaidi.