Al-An'aam
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَلَهُۥ مَا سَكَنَ فِى ٱلَّيْلِ وَٱلنَّهَارِ ۚ وَهُوَ ٱلسَّمِيعُ ٱلْعَلِيمُ 13
Jua kwamba Sura hii tukufu ilijumuisha kuisimamisha tauhidi kwa kila ushahidi wa kiakili na kimaandiko. Bali ilikuwa karibu yote kuhusiana na tauhidi tu na kuwajadili wale wanaomshirikisha Mwenyezi Mungu, wanaomkadhibisha Mtume wake. Na katika aya hizi, Mwenyezi Mungu alitaja chenye kubainisha kwazo uongofu, na kuangamiza kwazo shirki.
{13} Basi ikataja kwamba "ni vyake" Yeye Mtukufu "vilivyotulia katika usiku na mchana" na hivyo ni viumbe vyote, kuanzia wanadamu wake, na majini yake, na Malaika wake, na wanyama wake, na visivyo na uhai vyake. Vyote hivyo ni viumbe vinavyoendeshwa, na ni waja waliotiishwa kwa Mola wao Mlezi, Mkuu, Mshindi, Mmiliki. Basi Je, ni sahihi katika akili na maandiko kwamba aabudiwe yeyote katika hao wanaomilikiwa ambao hawana manufaa kwake, wala madhara, na aachwe kufanyiwa ikhlasi Muumba, na Mwendesha mambo, Mmiliki, Mwenye madhara, na Mwenye manufaa? Au je, akili timamu na nyoofu zinaita kwenye kumfanyia Mwenyezi Mungu, Mola Mlezi wa walimwengu wote ibada, na mapenzi, na hofu na matumaini? "Mwenye kusikia;" sauti zote pamoja na kutofautiana kwa lugha na mahitaji mbalimbali. "Mwenye kujua vyema," yale yaliyokuwa, na yale yatakayokuwa, na yale ambayo hayakuwa lau yangekuwa, yangekuwaje, Mwenye kuyajua yaliyo dhahiri na yaliyofichika.