Al-An'aam
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
قَدْ جَآءَكُم بَصَآئِرُ مِن رَّبِّكُمْ ۖ فَمَنْ أَبْصَرَ فَلِنَفْسِهِۦ ۖ وَمَنْ عَمِىَ فَعَلَيْهَا ۚ وَمَآ أَنَا۠ عَلَيْكُم بِحَفِيظٍ 104 وَكَذَٰلِكَ نُصَرِّفُ ٱلْـَٔايَـٰتِ وَلِيَقُولُوا۟ دَرَسْتَ وَلِنُبَيِّنَهُۥ لِقَوْمٍ يَعْلَمُونَ 105 ٱتَّبِعْ مَآ أُوحِىَ إِلَيْكَ مِن رَّبِّكَ ۖ لَآ إِلَـٰهَ إِلَّا هُوَ ۖ وَأَعْرِضْ عَنِ ٱلْمُشْرِكِينَ 106 وَلَوْ شَآءَ ٱللَّهُ مَآ أَشْرَكُوا۟ ۗ وَمَا جَعَلْنَـٰكَ عَلَيْهِمْ حَفِيظًا ۖ وَمَآ أَنتَ عَلَيْهِم بِوَكِيلٍ 107
{104} "Hakika zimekwisha wajia hoja wazi wazi kutoka kwa Mola wenu Mlezi. Kwa hivyo, mwenye kuziona, basi ni kwa faida yake mwenyewe. Na mwenye kupofuka, basi ni hasara yake. Nami si mtunzaji wenu." Kwa sababu ya yale aliyoyabainisha Yeye Mtukufu miongoni mwa Aya mbalimbali zilizo wazi, na ushahidi ulio wazi, unaoashiria kwenye haki katika matakwa yote na makusudio yote. Akawatanabahisha waja juu yake, na akajulisha kuwa uwongofu wao na kinyume chake ni juu yao wenyewe, kwa hivyo akasema; "Hakika zimekwisha wajia hoja wazi wazi kutoka kwa Mola wenu Mlezi." Yaani, Aya mbalimbali zinazobainisha haki na kuuwekea moyo iwe wazi kama jua linavyokuwa kwa macho. Kwa sababu yaliyo ndani yake ya ufasaha wa matamshi, na ubainifu wake, na uwazi wake, na kulingana kwake na maana tukufu na hakika nzuri nzuri. Kwa sababu zinatoka kwa Mola Mlezi, ambaye aliwalea viumbe wake kwa kila aina ya neema zake za dhahiri na zilizofichika, ambazo katika bora zake zaidi na tukufu zaidi ni ubainifu wa Aya mbalimbali na kuweka wazi wa matatizo. "Kwa hivyo, mwenye kuona," kwa Aya hizo sehemu za mazingatio na anafanya matendo kulingana na matakwa yake, "basi ni kwa faida yake mwenyewe" kwa maana Mwenyezi Mungu ndiye Mwenye kujitegemea, Msifiwa. Na mwenye kupofuka kwa kuonyeshwa, naye akaacha kuona, na akakemewa, lakini hakukemeka, na akabainishiwa haki, lakini hakuifuata wala kuinyenyekea. Basi upofu wake madhara yake ni juu yake. "Wala mimi" Ewe Mtume "si mtunzaji wenu wenu." Nikihifadhi vitendo vyenu na kuviangalia kila wakati. Lakini lililo juu yangu ni kufikisha kuliko wazi, na tayari nilikwisha tekeleza hilo, na nikafikisha yale aliyoyateremsha Mwenyezi Mungu kwangu. Basi hii ndiyo kazi yangu, na zaidi ya hilo, mimi sikupewa kazi hiyo.