Al-Qamar
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
أَءُلْقِىَ ٱلذِّكْرُ عَلَيْهِ مِنۢ بَيْنِنَا بَلْ هُوَ كَذَّابٌ أَشِرٌ 25 سَيَعْلَمُونَ غَدًا مَّنِ ٱلْكَذَّابُ ٱلْأَشِرُ 26
{25 - 26} "Ni yeye tu aliyeteremshiwa huo ukumbusho kati yetu sote?" Yaani, vipi Mwenyezi Mungu anamchangua yeye tu miongoni mwetu na kumteremshia ukumbusho? Ni sifa gani maalumu aliyo nayo inayomtofautisha na sisi? Na hili ni pingamizi kutoka kwa wale wanaomkadhibisha Mwenyezi Mungu ambalo wameendelea kulitumia na kulitetea na kukataa kwalo wito wa Mitume, lakini Mwenyezi Mungu alijibu fikira hii potofu kwa kauli ya Mitume kwa watu wao, "Mitume wao wakawaambia: 'Sisi kweli si chochote ila ni wanadamu kama nyinyi. Lakini Mwenyezi Mungu humfanyia hisani amtakaye katika waja wake.'" Basi Mitume wamepewa neema na Mwenyezi Mungu za sifa, na maadili, na mambo ya ukamilifu ambayo kwayo waliufailia kufanywa kuwa mitume wa Mola wao Mlezi, na kupewa wao tu Ufunuo wake, na ni kutokana na rehema zake na hekima yake kwamba walikuwa ni wanadamu. Kama wangelikuwa katika malaika, isingekuwa rahisi kwa wanadamu kupokea kutoka kwao. Na kama angewafanya kuwa ni wa kutoka katika malaika, basi angewaharakishia wale wanaowakadhibisha adhabu. Na lengo la maneno haya yaliyotoka kwa Thamudi wakimwambia Nabii wao Saleh ni kumkadhibisha, na ndiyo maana wakamhukumu kwa hukumu hii isiyo ya haki, wakasema: "Bali huyu ni mwongo mno mwenye mshari mkubwa!" Mwenyezi Mungu awaangamize! Ni wapumbavu namna gani hawa katika maono yao, na dhalimu wakubwa namna gani, na wabaya zaidi namna gani katika kupinga wakweli na wanyoofu kwa maneno mabaya zaidi.