Al-Hujuraat
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
يَـٰٓأَيُّهَا ٱلَّذِينَ ءَامَنُوا۟ لَا يَسْخَرْ قَوْمٌ مِّن قَوْمٍ عَسَىٰٓ أَن يَكُونُوا۟ خَيْرًا مِّنْهُمْ وَلَا نِسَآءٌ مِّن نِّسَآءٍ عَسَىٰٓ أَن يَكُنَّ خَيْرًا مِّنْهُنَّ ۖ وَلَا تَلْمِزُوٓا۟ أَنفُسَكُمْ وَلَا تَنَابَزُوا۟ بِٱلْأَلْقَـٰبِ ۖ بِئْسَ ٱلِٱسْمُ ٱلْفُسُوقُ بَعْدَ ٱلْإِيمَـٰنِ ۚ وَمَن لَّمْ يَتُبْ فَأُو۟لَـٰٓئِكَ هُمُ ٱلظَّـٰلِمُونَ 11
{11} Hili pia ni katika haki za Waumini wao kwa wao. Kwamba: "Wanaume wasiwadharau wanaume wenzao" kwa kila neno, kauli na kitendo kinachoashiria kumdharau ndugu yake Muislamu. Kwani hilo ni haramu na haliruhusiwi, na ni linaonyesha kwamba mwenye kudharau anajiona tu yeye kuwa bora, ilhali pengine anayedharauliwa ni bora kuliko mwenye kumdharau, na hivyo ndivyo huwa uhalisia wa mambo mara nyingi. Kwa maana kukejeli hakutokei isipokuwa kutoka kwenye moyo uliojaa maadili mabaya, uliojaa kila tabia yenye kukashifiwa, ambayo haina hata tabia yoyote ya heshima, na ndiyo maana Nabii - rehema na amani za Mwenyezi Mungu zimshukie - akasema, "Inatosha mtu kwamba ni uovu kumdharau ndugu yake Mwislamu." Kisha akasema: "Wala msivunjiane heshima" Yaani, msitiane dosari nyinyi kwa nyinyi. Na hili huwa kwa kauli, na kwa vitendo, na hayo yote yamekatazwa, ni haramu na Mwenyezi Mungu ameahidi adhabu ya moto wa Jahannamu juu yake. Kama Mwenyezi Mungu Mtukufu alivyosema: "Ole wake kila mwenye kudhihaki kwa kauli na kwa vitendo..." hadi mwisho wa Aya. Na alisema kwamba ndugu Mwislamu nafsi moja na mwenzake; kwa sababu hali ya Waumini inapaswa kuwa hivi; Kama vile mwili mmoja, na kwa sababu ikimdhihaki mwingine, inamsababisha huyo mwengine pia kumdhihaki, nasi anakuwa yeye ndiye aliyesababisha hayo "wala msiitane kwa majina ya kejeli" ambayo anachukia kuitwa kwayo. Ama majina ya utani yasiyokashifiwa, hayo hayaingii katika hili. "Jina ovu mno ni kupindukia mipaka baada ya kwisha amini" kwani ni ubaya ulioje mlibadilisha mkaacha imani na kuacha kutenda kwa mujibu wa sheria zake na yale inalazimu, mkaacha maamrisho yake na kufanya makatazo yake mkawa mmepindukia mipaka na kuasi kwa kudhihaki wengine kwa kuitana kwa majina ya kejeli. "Na wasiotubu, hao ndio wenye kudhulumu." Basi ni wajibu wa mja, kutubia kwa Mwenyezi Mungu Mtukufu, na kutoka katika haki ya ndugu yake Muislamu kwa kukiri makosa yake na kuomba msamaha, na kumsifu kwa sababu ya kumkashifu alikomkashifu. "Na wasiotubu, hao ndio wenye kudhulumu." Kwa hivyo, watu wamegawanyika katika makundi mawili: mwenye kujidhulumu nafsi yake na ambaye hakutubia, na mwenye kutubia na akafanikiwa, na wala hakuna kikundi kingine.