Al-Fath
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
قُل لِّلْمُخَلَّفِينَ مِنَ ٱلْأَعْرَابِ سَتُدْعَوْنَ إِلَىٰ قَوْمٍ أُو۟لِى بَأْسٍ شَدِيدٍ تُقَـٰتِلُونَهُمْ أَوْ يُسْلِمُونَ ۖ فَإِن تُطِيعُوا۟ يُؤْتِكُمُ ٱللَّهُ أَجْرًا حَسَنًا ۖ وَإِن تَتَوَلَّوْا۟ كَمَا تَوَلَّيْتُم مِّن قَبْلُ يُعَذِّبْكُمْ عَذَابًا أَلِيمًا 16
{16} Mwenyezi Mungu Mtukufu alipotaja kwamba Mabedui wanajikalisha na kusalia nyuma wakakosa kwenda kufanya jihadi katika njia yake, na kwamba wanatumia udhuru usio wa kweli, na kwamba wanaomba kutoka pamoja nao ikiwa hakuna ugumu wala vita, bali kwa ajili ya ngawira tu, akasema Mwenyezi Mungu Mtukufu akiwajaribu: ''Waambie wale walioachwa nyuma katika mabedui: 'Mtakuja itwa kwenda kupigana na watu wakali kwa vita.'" Yaani, Mtume na wale watakaochukua nafasi yake miongoni mwa Makhalifa waongofu na Maimamu watawaita. Na watu hawa ni Mafursi na Warumi na wote wenye kufanya sawa na wao na wanaofanana nao, ''mpigane nao au wasalimu amri." Yaani, ima hili au lile. Huu ndio uhalisia wa mambo. Kwani wao katika hali ya kupigana vita na watu hao, ikiwa watakuwa ni wenye nguvu sana, basi katika hali hiyo, hawatakubali kulipa kodi (jizya). Bali ima watasilimu au watapigana vita kama walivyo. Lakini wakati Waislamu walipowadhoofisha na kuwadhalilisha, nguvu zao hizo zikaisha na ikawa ni ima wasilimu au watoe kodi. ''Basi mkimtii'' mwenye kuwaita kupigana vita dhidi ya watu hawa, ''Mwenyezi Mungu atawapa ujira mzuri'' malipo ambayo Mwenyezi Mungu na Mtume wake wameyaandika kwa sababu ya kufanya jihadi katika njia ya Mwenyezi Mungu. "Na mkigeuka kama mlivyogeuka kwanza'' mkaacha kufanya jihadi dhidi ya wale ambao Mtume aliwaita kupigana nao, ''atawaadhibu kwa adhabu iliyo chungu." Aya hii inaashiria fadhila za Makhalifa waongofu ambao wanalingania kufanya jihadi dhidi ya watu wakali mno katika vita, na kwamba ni lazima kuwatii katika hilo.