Al-Fath
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
سَيَقُولُ لَكَ ٱلْمُخَلَّفُونَ مِنَ ٱلْأَعْرَابِ شَغَلَتْنَآ أَمْوَٰلُنَا وَأَهْلُونَا فَٱسْتَغْفِرْ لَنَا ۚ يَقُولُونَ بِأَلْسِنَتِهِم مَّا لَيْسَ فِى قُلُوبِهِمْ ۚ قُلْ فَمَن يَمْلِكُ لَكُم مِّنَ ٱللَّهِ شَيْـًٔا إِنْ أَرَادَ بِكُمْ ضَرًّا أَوْ أَرَادَ بِكُمْ نَفْعًۢا ۚ بَلْ كَانَ ٱللَّهُ بِمَا تَعْمَلُونَ خَبِيرًۢا 11 بَلْ ظَنَنتُمْ أَن لَّن يَنقَلِبَ ٱلرَّسُولُ وَٱلْمُؤْمِنُونَ إِلَىٰٓ أَهْلِيهِمْ أَبَدًا وَزُيِّنَ ذَٰلِكَ فِى قُلُوبِكُمْ وَظَنَنتُمْ ظَنَّ ٱلسَّوْءِ وَكُنتُمْ قَوْمًۢا بُورًا 12 وَمَن لَّمْ يُؤْمِنۢ بِٱللَّهِ وَرَسُولِهِۦ فَإِنَّآ أَعْتَدْنَا لِلْكَـٰفِرِينَ سَعِيرًا 13
{11 - 13} Mwenyezi Mungu anawakashifu wale Mabedui waliobaki nyuma ya Mtume wa Mwenyezi Mungu katika kupigana jihadi katika njia yake, ambao imani yao ilikuwa dhaifu na ambao nyoyoni mwao walikuwa na maradhi na kumdhania Mwenyezi Mungu Mtukufu dhana mbaya, na kwamba watatumia udhuru wa kwamba: mali zao na ahali zao viliwashughulisha mbali wakashindwa kutoka kwenda katika njia yake, na kwamba walimuomba Mtume wa Mwenyezi Mungu - rehema na amani zimshukie - awaombee msamaha. Amesema Mwenyezi Mungu Mtukufu: ''Wanasema kwa ndimi zao yasiyokuwamo katika nyoyo zao." Kwani ombi lao la kutafuta msamaha kutoka kwa Mtume wa Mwenyezi Mungu - rehema na amani zimshukie - linaonyesha majuto yao na kujifikiria wenyewe kwamba wana dhambi, na kwamba walisalia nyuma kusalia ambako kunahitaji toba na kutafuta msamaha. Ikiwa hayo ndiyo yaliyokuwa katika nyoyo zao, basi kuomba msamaha kwa Mtume kungelikuwa na manufaa kwao. Kwa sababu wangekuwa wametubu na wakarudi kwa Mwenyezi Mungu. Lakini yaliyomo nyoyoni mwao ni kuwa walisalia nyuma kwa sababu ya kumdhania Mwenyezi Mungu dhana mbaya. Walidhania ''kwamba Mtume na Waumini hawatarudi kabisa kwa ahali zao." Yaani, watauawa na kung'olewa kabisa, na dhana hii iliendelea kupambwa katika nyoyo zao, na wakatulizana juu yake mpaka ikawa imara ndani yao. Na sababu ya hayo ni mambo mawili: la kwanza ni kwamba walikuwa ''watu wanaoangamia" na wasiokuwa na heri ndani yao. Na ikiwa kweli kulikuwa na heri ndani yao, hili halingekuwa mioyoni mwao. La pili ni udhaifu wa imani yao na kutokuwa na yakini katika ahadi ya Mwenyezi Mungu, kuinusuru dini yake, na kuliinua juu neno lake, na ndiyo maana akasema: ''Na asiyemuamini Mwenyezi Mungu na Mtume wake" basi yeye ni kafiri anayestahiki adhabu ''basi kwa hakika Sisi tumewaandalia makafiri Moto mkali.''