An-Nisaa
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَلَا تُؤْتُوا۟ ٱلسُّفَهَآءَ أَمْوَٰلَكُمُ ٱلَّتِى جَعَلَ ٱللَّهُ لَكُمْ قِيَـٰمًا وَٱرْزُقُوهُمْ فِيهَا وَٱكْسُوهُمْ وَقُولُوا۟ لَهُمْ قَوْلًا مَّعْرُوفًا 5
Na kauli yake Yeye Mtukufu:
{5} As-Sufaha ni wingi wa safiih, yani asiyekuwa na akili timamu. Naye ni yule asiyeweza kutumia mali yake vizuri: Ima kwa sababu ya kukosa akili, kama vile mwendawazimu, mpumbavu, na mfano wao, au kwa kukosa kwake uamuzi wa busara kama vile mdogo na yule asiyekuwa na uamuzi wa busara. Kwa hivyo, Mwenyezi Mungu akawakataza walinzi kuwapa watu hawa mali zao kwa kuogopea kuziharibu. Kwa sababu Mwenyezi Mungu alizifanya kuwa ni za kuwakimu waja wake katika masilahi ya dini yao na dunia yao. Na hawa hawawezi kuzisimamia vyema na kuzihifadhi. Kwa hivyo, Mwenyezi Mungu akawaamuru mlinzi wasiwape mali hizo. Bali awape riziki kutoka humo, na awavishe, na watoe humo yale yanayohusiana na dharura zao na mahitaji yao ya kidini na ya kidunia, na kwamba wawaambie maneno mema. Kwa kuwaahidi wakiomba kuwa watawapa mali hizo baada ya wao kuwa na uwezo wa kufanya uamuzi wa busara na mfano wa hayo. Na wawaongeleshe kwa upole ili kuwatuliza fikira zao. Na katika kufungamanisha kwake Mwenyezi Mungu mali na walinzi, kuna ishara ya kwamba inawalazimu wafanye katika mali za wale wasiokuwa na uamuzi wa busara, kama vile wanavyofanya katika mali zao. Kama vile kuzihifadhi, na kuziendesha, na kutoziachia yenye kuzihatarisha. Na katika Aya hii, kuna ushahidi ya kwamba hela za matumizi za wendawazimu, na watoto wadogo, na wale wasiokuwa na uamuzi wa busara ziko katika mali zao ikiwa wana mali. Kwa kauli yake, "Na walisheni kutoka kwayo, na wavisheni." Na ndani yake kuna ushahidi kwamba maneno ya mlinzi yanakubalika katika yale anayodai kuhusiana na matumizi yanayowezekana na mavazi. Kwa sababu, Mwenyezi Mungu alimfanya kuwa mdhamini juu ya mali zao. Kwa hivyo, inalazimu kuikubali kauli ya mdhamini.