Ash-Shu'araa
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
قَالَ أَفَرَءَيْتُم مَّا كُنتُمْ تَعْبُدُونَ 75 أَنتُمْ وَءَابَآؤُكُمُ ٱلْأَقْدَمُونَ 76 فَإِنَّهُمْ عَدُوٌّ لِّىٓ إِلَّا رَبَّ ٱلْعَـٰلَمِينَ 77 ٱلَّذِى خَلَقَنِى فَهُوَ يَهْدِينِ 78 وَٱلَّذِى هُوَ يُطْعِمُنِى وَيَسْقِينِ 79 وَإِذَا مَرِضْتُ فَهُوَ يَشْفِينِ 80 وَٱلَّذِى يُمِيتُنِى ثُمَّ يُحْيِينِ 81 وَٱلَّذِىٓ أَطْمَعُ أَن يَغْفِرَ لِى خَطِيٓـَٔتِى يَوْمَ ٱلدِّينِ 82
{75-82} Ibrahimu akawaambia, "Nyinyi na baba zenu nyote ni wapinzani katika jambo hili, na maneno kwao wote ni mamoja: "Je, mmewaona hawa mnaowaabudu? Nyinyi na baba zenu wa zamani? Kwani hakika hao ni adui zangu." Basi na wajaribu kunidhuru kwa madhara hata kidogo, na wanifanyie njama, lakini hawataweza; "isipokuwa Mola Mlezi wa walimwengu wote. Ambaye ndiye aliyeniumba, na Yeye ndiye ananiongoa." Yeye tu ndiye wa pekee katika neema ya uumbaji na neema ya kuongoza kwenye masilahi ya kidini na ya kidunia, na kisha akatenga baadhi ya mahitaji hayo, akasema, "Na ambaye ndiye ananilisha na kuninywesha. Na ninapougua, ni Yeye ndiye anayeniponesha. Na ambaye atanifisha, na kisha atanihuisha. Na ambaye ndiye ninayemtumai kunisamehe makosa yangu Siku ya Malipo." Huyu ndiye peke yake anayeweza kufanya hayo, kwa hivyo ni lazima aabudiwe Yeye peke yake na atiiwe, na yaachwe masanamu haya ambayo hayaumbi wala hayaongoi, wala hayauguzi wala hayaponyi, wala hayalishi wala hayanyweshi, wala hayafishi wala hayahuishi, wala hayawanufaishi wale wanaoyaabudu kwa kuwaondolewa taaba, wala kuwasamehe dhambi. Basi huu ni ushahidi wa kukata na hoja yenye kug'aa ambayo nyinyi wala baba zenu hamuwezi kuipinga, kwa hivyo hilo likaonyesha kwamba mnashirikiana katika upotovu na kuiacha njia ya uwongofu na unyoofu. Amesema Mwenyezi Mungu Mtukufu, "Na kaumu yake wakamhoji. Akasema: Je, mnanihoji juu ya Mwenyezi Mungu, na hali Yeye ameniongoa..." hadi mwisho wa Aya hizi.