Al-Furqaan
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
يَوْمَ يَرَوْنَ ٱلْمَلَـٰٓئِكَةَ لَا بُشْرَىٰ يَوْمَئِذٍ لِّلْمُجْرِمِينَ وَيَقُولُونَ حِجْرًا مَّحْجُورًا 22
{22} "Siku watakapowaona Malaika" [ambao wao wenyewe waalipendekeza kwamba washuke], " hakutakuwa na furaha yoyote siku hiyo kwa wahalifu." Na hili ni kwa sababu hawatawaona kama wataendelea na uhalifu wao na ukaidi isipokuwa kwa ajili ya kuwaadhibu na kushukiwa na hali ngumu. Na ya kwanza ya hayo ni wakati wa kufa kwao wakati Malaika watakapowashukia. Mwenyezi Mungu Mtukufu alisema, "Na lau ungeliwaona madhalimu wakati wanapokuwa katika mahangaiko ya mauti, na Malaika wamewanyooshea mikono wakiwambia: Zitoeni roho zenu! Leo mtalipwa adhabu ya fedheha kwa sababu ya yale mliyokuwa mkiyasema juu ya Mwenyezi Mungu yasiyo ya haki, na mlivyokuwa mkizifanyia kiburi Ishara zake." Kisha katika kaburi ambapo watajiwa na Munkar na Nakir, wakawauliza juu ya Mola wao Mlezi, Nabii wao, na Dini yao, lakini hawatajibu jibu la kuwaokoa, kwa hivyo watafikwa na adhabu kali na kuondokewa na rehema. Kisha Siku ya Qiyama, ambapo Malaika watawaswaga kwenda Motoni, na kisha watakabidhiwa kwa walinzi wa Jahannamu, ambao watasimamia na kutekeleza adhabu juu yao. Basi haya waliyopendekeza, na haya waliyoomba, ikiwa wataendelea na uhalifu wao, basi hakuna budi watawaona na kukutana nao, na hapo watatafuta kujilinda kutokana na Malaika na kukimbia, lakini hawatakuwa na popote pa kukimbilia. "Watasema, Mwenyezi Mungu apishe mbali!" (Na kauli yake Mwenyezi Mungu) "Enyi makundi ya majini na watu! Mkiweza kupenya kutoka nje ya mbingu na ardhi, basi penyeni! Hamtapenya isipokuwa kwa kupewa mamlaka (na Mwenyezi Mungu)."