Al-Muminoon
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
قُلْ مَنۢ بِيَدِهِۦ مَلَكُوتُ كُلِّ شَىْءٍ وَهُوَ يُجِيرُ وَلَا يُجَارُ عَلَيْهِ إِن كُنتُمْ تَعْلَمُونَ 88 سَيَقُولُونَ لِلَّهِ ۚ قُلْ فَأَنَّىٰ تُسْحَرُونَ 89
{88-89} Kisha akaendelea na kukiri kwao kile kilicho cha jumla zaidi kuliko yote hayo, na akasema: "Sema: ni nani mkononi mwake umo Ufalme wa kila kitu?" Yaani, Ufalme wa kila kitu kutoka ulimwengu wa juu na ulimwengu wa chini, kile tunachokiona na kile tusichokiona, na ufalme ni hali iliyozidishwa kwa maana ya mfalme. "Naye ndiye anayewalinda" waja wake kutokana na shari na huwaondolea yanayowaudhi, na anawahifadhi kutokamana na yanayowadhuru, "wala hakilindwi asichotaka." Yaani, hawezi mtu yeyote kulinda juu ya Mwenyezi Mungu na wala hazui shari ambayo amekadiria Mola, bali pia haponyi yeyote mbele yake ila kwa idhini yake. "Watasema (Ufalme huo) ni wa Mwenyezi Mungu." Yaani, watakiri kwamba Mwenyezi Mungu ndiye Mmiliki wa kila kitu,anayelinda ambaye hakilindwi asichotaka." "Sema" kwao wanapokiri kwa jambo hilo la lazima kwao, "Basi vipi mnadanganyika;" yaani, basi akili zenu zinakwenda wapi mlipowaabudu wale mliowajua kuwa hawana ufalme wala sehemu ya utawala, na kwamba hawakuwa na uwezo kwa kila jambo, na mkaacha uaminifu kwa Mmiliki Mkuu na Mwenye Nguvu anayesimamia kila kitu? Basi akili zilizowaongaza kwenye haya si chochote ila ni kurogwa, na bila ya shaka, Shetani aliziroga kwa yale aliyowapambia, akawarembeshea na akapotosha ukweli kwao, na akaziroga akili zao, kama wachawi walivyoroga macho ya watu.