Al-Muminoon
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
ثُمَّ أَرْسَلْنَا مُوسَىٰ وَأَخَاهُ هَـٰرُونَ بِـَٔايَـٰتِنَا وَسُلْطَـٰنٍ مُّبِينٍ 45
Niliwahi kusoma kabla ya muda mrefu maneno ya baadhi ya wasomi, ambaye sasa siwezi kumkumbuka jina lake. Alisema kwamba baada ya Musa kutumwa na kuteremka Taurati, Mwenyezi Mungu aliondoa adhabu ya kuwaangamiza watu wote juu ya umma mbalimbali. Kwa hivyo, akaweka sheria ya kupigana jihadi na wanaokadhibisha, wafanyao ukaidi, lakini sikujua aliyatoa wapi haya. Na nilipoitafakari vyema aya hii pamoja na aya zilizoko katika Surat Al-Qasas, ikanibainikia kwa nini akasema hivyo: Ama aya hizi, Mwenyezi Mungu alitaja umma walioangamizwa kwa kufuatana namna walivyoangamizwa, kisha akajulisha kwamba alimtuma Musa baada yao na akamteremshia Taurati yenye uwongofu kwa watu, lakini kuangamia kwa Firauni hakuwezi kutatanisha. Kwa maana, hilo lilikuwa kabla ya kuteremka kwa Taurati. Ama Aya zile zilizoko katika Surat Al-Qasas, hizo ziko wazi sana. Alipotaja kuangamia kwa Firauni, akasema, "Na hakika bila ya shaka tulimpa Musa Kitabu baada ya kwisha viangamiza vizazi vya mwanzo, ili kiwafumbue macho watu, na kiwe uwongofu, na rehema, ili wapate kukumbuka." Basi hili liko wazi kwamba alimpa Kitabu baada ya kuwaangamiza umma waliovuka mipaka, na akajulisha kwamba alikiteremsha ili kuwafumbua macho watu, na kiwe uwongofu na rehema. Na huenda haya ndiyo aliyoyataja Mwenyezi Mungu katika Surat Yunus katika kauli yake, "Kisha baada yake," yaani, Nuhu "tukawatuma Mitume kwa kaumu zao. Nao wakawajia kwa Ishara zilizo wazi. Lakini hawakuwa wenye kuyaamini waliyoyakanusha kabla yake. Ndivyo kama hivyo tunavyoziba juu ya nyoyo za wavukao mipaka." "Kisha baada yao tukamtuma Musa na Haruni..." hadi mwisho wa aya. Na Mwenyezi Mungu ndiye ajuaye zaidi.
{45} Basi kauli yake, "Kisha tukamtuma Musa," Ibn Imran, aliyezungumza na Mwingi wa rehema moja kwa moja, "na kakaye, Haarun" alipomwomba Mola wake Mlezi amshirikishe katika jambo lake hili, naye akamuitikia ombi lake; "pamoja na ishara zetu" zenye kuonyesha ukweli wao, na usahihi halali wa yale waliyokuja nayo; "na hoja zilizo wazi" ambazo kwa sababu ya nguvu zake, zilishinda nyoyo na kuwa na mamlaka juu yake, kwa hivyo zinakuwa nyoyo za waumini ni zenye kuzifuata hoja hizi, na zinasimamisha hoja juu ya wapinzani. Na hili ni sawa na kauli yake, "Na kwa yakini, tulimpa Musa ishara tisa zilizo wazi." Na ndiyo maana mkuu wa wapinzani, Firauni alijua haki na akaifanyia ukaidi. "Basi waulize Wana wa Israili alipowajia" na ishara hizo zilizo wazi, naye Firauni akamwambia, "Hakika mimi ninakuona wewe Musa umerogwa!" Musa akasema, "Wewe unajua bila ya shaka kuwa haya hakuyateremsha isipokuwa Mola Mlezi wa mbingu na ardhi ili kuwa ni ushahidi wa kuonekana. Na hakika mimi bila ya shaka ninakuona wewe, Firauni, kuwa umekwisha angamia." Na amesema Mwenyezi Mungu Mtukufu, "Na wakazikataa kwa dhuluma na kujivuna."