Al-Anbiyaa
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
أَمِ ٱتَّخَذُوا۟ مِن دُونِهِۦٓ ءَالِهَةً ۖ قُلْ هَاتُوا۟ بُرْهَـٰنَكُمْ ۖ هَـٰذَا ذِكْرُ مَن مَّعِىَ وَذِكْرُ مَن قَبْلِى ۗ بَلْ أَكْثَرُهُمْ لَا يَعْلَمُونَ ٱلْحَقَّ ۖ فَهُم مُّعْرِضُونَ 24
{24} Kisha akarudi katika kuikashifu hali ya washirikina, na kwamba walijifanyia miungu pasi na yeye. Basi waambie, kwa kuwakemea na kuwakaripia, "Au wamejifanyia miungu mingine badala yake? Sema: Leteni ushahidi wenu" juu ya usahihi wa kile mnachofanya. Lakini hawatapata njia yoyote ya kulifikia hilo. Bali ushahidi wa kukata ulikwisha simama juu ya ubatili wake. Na ndiyo maana akasema, "Haya ni ukumbusho wa hawa walio pamoja nami, na ukumbusho wa walio kabla yangu." Yaani, Vitabu na kisheria vilikubaliana juu ya usahihi wa yale niliyowaambia juu ya ubatili wa ushirikina. Kwa hivyo hiki ni kitabu cha Mwenyezi Mungu ambacho ndani yake kuna ukumbusho wa kila kitu kwa ushahidi wake wa kiakili na wa kimaandiko. Na vitabu hivi vyote vilivyotangulia ni hoja na ushahidi juu ya ubatili wa yale niliyosema. Na ilipojulikana kwamba umekwisha wasimamia ushahidi na hoja juu ya yale wanachofanya, ikajulikana kwamba hawakuwa na hoja yoyote, kwa maana hoja ya kukata kuna uhakika kwamba haina chochote cha kuipinga. Vinginevyo, basi haingekuwa ya kukata. Lakini hata kama kuna chochote cha kuipinga, hayo yote ni fikira potovu tu ambazo haziwezi kusaidia chochote mbele ya haki. Na kauli yake, "Lakini wengi wao hawaijui haki" na walidumu juu ya hayo wayafanyayo kwa kuwaiga watangulizi wao. Wakawa wanajadili bila ya elimu yoyote wala uwongofu. Na hawana tena kutojua kwao haki si kwa sababu ya kufichikana kwake na kutokuwa kwake wazi. Bali ni kwa sababu ya kuipa kwao mgongo. Vinginevyo, ikiwa wangeigeukia hata kwa uchache tu, ingewabainikia haki kutokana na batili kwa njia bainifu na wazi sana. Na ndiyo maana akasema, "kwa hivyo wanapeana mgongo."