Taa-Haa
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
ٱللَّهُ لَآ إِلَـٰهَ إِلَّا هُوَ ۖ لَهُ ٱلْأَسْمَآءُ ٱلْحُسْنَىٰ 8
{8} Alipouthibitisha ukamilifu wake kamili katika ujumla wa kuumba kwake na ujumla wa kuamrisha kwake na kukataza kwake, na ujumla wa rehema yake, na upana wa ukuu wake, na kuwa kwake juu ya Kiti chake cha Enzi, na ujumla wa ufalme wake, na ujumla wa elimu yake, ikatokana na hayo kwamba Yeye ndiye anayestahiki kuabudiwa. Na kwamba kumuabudu Yeye tu ndiyo haki inayotakiwa na sheria, akili na maumbile ya asili, na kumwaabudu mwengine ni batili. Akasema, "Mwenyezi Mungu! Hapana mungu yeyote isipokuwa Yeye." Yaani, hakuna muabudiwa wa haki wala mwenye kufanyiwa uungu kwa kuenziwa, udhalilifu, hofu, matumaini, mapenzi, kurudi kwake, na kuombwa dua isipokuwa Yeye. "Yeye ana majina mazuri zaidi," ambayo ni mengi, mazuri, na kamili. Na katika uzuri wake ni kwamba yote ni majina yanayoashiria sifa. Hakuna kati yake jina lolote lisiloashiria sifa na kuhimidiwa. Na katika uzuri wake ni kuwa si nomino za kipekee tu, bali ni nomino za kipekee na sifa. Na katika uzuri wake ni kwamba yanaashiria sifa kamilifu, na kwamba Yeye ndiye Mwenye sifa kamili zaidi katika kila sifa na yenye kujumuisha zaidi na tukufu zaidi. Na katika uzuri wake ni kwamba aliwaamrisha waja wake kwamba wamuombe kwayo, kwa sababu ni njia yenye kumueka mtu karibu naye. Yeye huyapenda na humpenda mwenye kuyapenda, na humpenda mwenye kuyahifadhi, na anampenda anayetafuta kujua maana zake na kumuabudu kwayo. Amesema Mwenyezi Mungu Mtukufu, "Na Mwenyezi Mungu ana majina mazuri kabisa, basi muombeni kwa hayo."