Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَإِن كُنتُمْ عَلَىٰ سَفَرٍ وَلَمْ تَجِدُوا۟ كَاتِبًا فَرِهَـٰنٌ مَّقْبُوضَةٌ ۖ فَإِنْ أَمِنَ بَعْضُكُم بَعْضًا فَلْيُؤَدِّ ٱلَّذِى ٱؤْتُمِنَ أَمَـٰنَتَهُۥ وَلْيَتَّقِ ٱللَّهَ رَبَّهُۥ ۗ وَلَا تَكْتُمُوا۟ ٱلشَّهَـٰدَةَ ۚ وَمَن يَكْتُمْهَا فَإِنَّهُۥٓ ءَاثِمٌ قَلْبُهُۥ ۗ وَٱللَّهُ بِمَا تَعْمَلُونَ عَلِيمٌ 283
{283} "Basi yatosha kukabidhiwa rehani " Kwamba ikiwa aliyeweka rehani na aliyepewa rehani watatofautiana katika kiasi cha deni ambalo limewekewa rehani; kwamba kauli sahihi ni kauli ya aliyeweka rehani, mwenye haki. Kwa sababu Mwenyezi Mungu aliifanya rehani kuwa ni dhamana ya kulinda haki yake. Na lau kuwa isingekubaliwa kauli yake katika hilo, basi dhamana isingepatikana ndani yake kwa sababu ya ukosefu wa maandishi na mashahidi. Na miongoni mwake ni kwamba, inaruhusika kuamiliana bila ya dhamana wala mashahidi. Kwa kauli yake, "na mmoja wenu akimwekea amana mwenziwe, basi aliyeaminiwa airudishe amana ya mwenzake." Lakini katika hali hii, anahitaji uchamungu na hofu kwa Mwenyezi Mungu, vinginevyo mwenye haki anahatarisha haki yake. Na kwa sababu hii, Mwenyezi Mungu aliamrisha katika hali hii yule ambaye haki iko juu yake, kumcha Mwenyezi Mungu na kuirudisha amana yake. Na miongoni mwake ni kwamba, unayemkabidhi muamala, basi amemfanyia hisani kubwa na ameridhika na dini yake na uaminifu wake. Basi anamlazimu mno yule ambaye kuna haki juu yake kutekeleza amana yake kwa pande mbili: Kutekeleza haki ya Mwenyezi Mungu na kufuata amri yake. Na kutimiza haki ya mwenzake ambaye aliridhika na uaminifu wake na akamwamini. Na miongoni mwake ni, uharamu wa kuficha ushuhuda. Na kwamba mwenye kuificha moyo wake umetenda dhambi ambayo ndio mfalme wa viungo. Na hilo ni kwa sababu kuificha ni sawa na kutoa ushahidi wa batili na uwongo. Ambao ndani yake kuna kupoteza haki na kuharibika kwa miamala, na dhambi ya kujirudia katika dhima yake na dhima ya yule ambaye haki iko juu yake. Na ama kuifungamanisha rehani na safari pamoja na kwamba inaruhusika nyumbani na safarini, ni kwa sababu ya kulihitaji hilo kwa sababu ya kutokuwepo mwandishi na shahidi. Na alihitimisha Aya hii kwa kusema kuwa Yeye ni Mwenye kujua kila wanachofanya waja wake. (Ili) iwe kama himizo kwao kufanya maamiliano mazuri, na kuwatia hofu kutokana na maamiliano maovu.