Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَٱلَّذِينَ يُتَوَفَّوْنَ مِنكُمْ وَيَذَرُونَ أَزْوَٰجًا وَصِيَّةً لِّأَزْوَٰجِهِم مَّتَـٰعًا إِلَى ٱلْحَوْلِ غَيْرَ إِخْرَاجٍ ۚ فَإِنْ خَرَجْنَ فَلَا جُنَاحَ عَلَيْكُمْ فِى مَا فَعَلْنَ فِىٓ أَنفُسِهِنَّ مِن مَّعْرُوفٍ ۗ وَٱللَّهُ عَزِيزٌ حَكِيمٌ 240
{240} Inajulikana kwa wafasiri wengi kwamba Aya hii tukufu ilifutwa na Aya ya kabla yake, ambayo ni kauli yake Mola Mtukufu. "Na wale miongoni mwenu wanaofishwa, na wanawaacha wake, basi wake hawa wazizuie nafsi zao miezi minne na siku kumi." Na kwamba jambo lilikuwa kwamba mke alilazimika kujizuia mwaka mzima, kisha likafutwa kwa miezi minne na usiku kumi. Na wanajibu kuhusu kutanguliza Aya iliyofuta (mbele ya Aya iliyofutwa) kuwa huko ni kutangulia tu katika mahali (pa Aya katika Qur-ani), na si katika kuteremka kwake. Kwa sababu, sharti la Aya yenye kufuta ni kwamba ije nyuma ya ile aliyofutwa. Na kauli hii haina ushahidi juu yake. Na mwenye kuzitafakari Aya mbili hizi, itamdhihirikia kuwa ile kauli nyingine kuhusu Aya hii ndiyo sahihi. Na kwamba Aya ya kwanza yenye uwajibu wa kujizuia miezi minne na usiku kumi ni jambo la lazima kwa mwanamke. Na ama katika Aya hii, ina wasia kwa jamaa za maiti kwamba, waendelee kubaki pamoja na mke wa maiti wao kwa muda wa mwaka mzima ili kupoza fikira zake na kumfanyia wema maiti wao. Na ndio maana akasema, "na wausie kwa ajili ya wake zao." Yani ni wasia kutoka kwa Mwenyezi Mungu kwa jamaa za maiti kwamba, watafute ushauri kutoka kwa mkewe, na wampe cha kumliwaza, na wasimtoe nje. Na akitaka, basi ataendelea kukaa katika wasia wake, na akipenda kuondoka, basi hakuna ubaya wowote juu yake. Na ndiyo maana akasema, "na wanawake wenyewe wakiondoka, basi hakuna ubaya wowote juu yenu katika waliyojifanyia wenyewe kwa wema." Yani kama vile kujirembesha na (kuvalia) mavazi (mazuri), lakini sharti ni kwamba yawe hayo kwa wema ambao hauyatoi nje ya mipaka ya dini na kuzingatia. Na akahitimisha Aya kwa majina haya mawili makubwa yanayoashiria ukamilifu wa nguvu yake na ukamilifu wa hekima yake. Kwa sababu, hukumu hizi zilitokana na nguvu yake, na zinaashiria ukamilifu wa hekima yake, kwa kuwa iliziweka katika mahali pake panapozifaa.