Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَلَا تَجْعَلُوا۟ ٱللَّهَ عُرْضَةً لِّأَيْمَـٰنِكُمْ أَن تَبَرُّوا۟ وَتَتَّقُوا۟ وَتُصْلِحُوا۟ بَيْنَ ٱلنَّاسِ ۗ وَٱللَّهُ سَمِيعٌ عَلِيمٌ 224
{224} Maana ya kiapo, ni kumtukuza yule ambaye imeapwa kwa jina lake, na kusisitiza kilichoapwa kutekelezwa. Na Mwenyezi Mungu Mtukufu alikuwa ameamrisha kuhifadhi viapo. Na hilo lilikuwa linahitaji vihifadhiwe katika kila kitu. Lakini Mwenyezi Mungu Mtukufu alitoa katika hali hiyo inapokuwa kutekeleza kiapo kunajumuisha kuacha yale ambayo ni wajibu zaidi kwake. Kwa hivyo, akawakataza waja wake kuvifanya viapo vyao kuwa kisingizio, yani kipingamizi na kizuizi cha wao kufanya wema: Kama kufanya wema, au kuepuka shari (uovu), au kupatanisha baina ya watu. Basi anayeapa kuacha wajibu, italazimu ivunjwe, na ni haramu kuendelea kukishikilia kiapo chake hicho. Na mwenye kuapa kuacha kitu kinachopendekezwa, itapendekezwa kwamba aivunje. Na mwenye kuapa kufanya jambo la haramu, italazimu ivunjwe. Na ama jambo linaloruhusika, hilo inafaa kukihifadhi kiapo kisivunjwe. Aya hii inatumika kama ushahidi juu ya misingi maalumu wa kwamba, “ikiwa masilahi yataingiliana, basi litapewa kipaumbele lililo muhimu zaidi kati yake.” Na hapa, kutimiza kiapo ni masilahi, na kutii amri za Mwenyezi Mungu katika mambo haya ni masilahi makubwa kuliko hilo. Kwa hivyo, hili likapewa kipaumbele kwa sababu ya hilo. Kisha akahitimisha Aya hii kwa majina haya mawili matukufu, akasema, “Na Mwenyezi Mungu ni Mwenye kusikia” yani sauti zote “Mwenye kujua” wa makusudio na nia. Na katika hayo, ni kusikia kwake maneno ya wanaoapa, na kujua kwake, makusudio yao. Je, ni heri au shari (maovu)? Na ndani ya hilo kuna onyo dhidi ya malipo yake, na kwamba matendo yenu na nia zenu, tayari elimu ya hayo imeshatulia kwaye.