Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
أَمْ حَسِبْتُمْ أَن تَدْخُلُوا۟ ٱلْجَنَّةَ وَلَمَّا يَأْتِكُم مَّثَلُ ٱلَّذِينَ خَلَوْا۟ مِن قَبْلِكُم ۖ مَّسَّتْهُمُ ٱلْبَأْسَآءُ وَٱلضَّرَّآءُ وَزُلْزِلُوا۟ حَتَّىٰ يَقُولَ ٱلرَّسُولُ وَٱلَّذِينَ ءَامَنُوا۟ مَعَهُۥ مَتَىٰ نَصْرُ ٱللَّهِ ۗ أَلَآ إِنَّ نَصْرَ ٱللَّهِ قَرِيبٌ 214
Yeye Mwenye baraka na Mtukufu anajulisha kwamba ni lazima awajaribu waja wake kwa yenye wasaa na yenye dhiki na taabu, kama alivyowafanyia wale waliokuwa kabla yao. Kwani hii ndiyo ada yake inayoendelea ambayo haigeuki wala haibadiliki, kwamba mwenye kusimamisha dini yake na sheria yake lazima ajaribiwe. Akisubiri juu ya amri ya Mwenyezi Mungu na hayajali machukizo yanayotokea katika njia yake, basi yeye ndiye mkweli ambaye amepata katika furaha ukamilifu wake, na katika ukuu chombo chake. Na mwenye kufanya mateso ya watu kuwa kama ni adhabu ya Mwenyezi Mungu, kiasi kwamba machukizo yakamzuia yale anayokaribia kuyafanya. Na majaribio yakamzuia lengo lake, basi yeye ndiye mwongo katika madai ya kuwa na imani. Kwani, imani sio kwa kujipamba na kutamani tu, na madai matupu, mpaka matendo yaisadikishe au yaikadhibishe. Na yaliwatokea mataifa ya kale yale aliyoyataja Mwenyezi Mungu juu yao. “Uliwapata ufukara (shida) na maradhi” katika miili yao “na wakatikiswa” kwa aina mbalimbali za hofu kama vile vitisho vya kuuawa, kuhamishwa, kuchukuliwa mali, kuuawa kwa vipenzi, na aina mbalimbali za madhara mpaka hali ikawafikisha. Na mitetemeko ikawafikisha kuona kwamba nusura ya Mwenyezi Mungu imechelewa pamoja na kuwa na yakini nayo. Lakini kwa sababu ya ukali na jambo hilo, na dhiki yake, alisema: Mtume na walioamini pamoja naye wakasema: “Ni lini nusura ya Mwenyezi Mungu (itakuja?)” Na kwa kuwa faraja huja wakati wa ugumu, na kila jambo linapokuwa finyu, linakunjuka, Mwenyezi Mungu akasema: “Jueni kuwa hakika nusura ya Mwenyezi Mungu ipo karibu.” Na namna hiyo, kila mwenye kuisimamia haki, yeye kwa hakika atajaribiwa. Na kila inapokuwa hali ni kali na ngumu kwake, ikiwa atadumu na akavumilia katika yale aliyomo ndani yake, basi majaribio yanageuka katika haki yake na yanakuwa neema. Na dhiki zinakuwa raha mbalimbali, na hayo yakamfuatisha ushindi juu ya maadui na uponyaji wa maradhi yaliyomo ndani ya moyo wake. Na Aya hii ni sawa na kauli yake Mola Mtukufu. “Je, mnadhani kwamba mtaingia Peponi na hali Mwenyezi Mungu hajawapambanua wale miongoni mwenu waliopigana Jihadi, na hajawapambanua waliosubiri?” Na kauli yake Mtukufu: “Je, wanadhani watu wataachwa kwa kuwa wanasema: Tumeamini. Nao wasijaribiwe? Hakika tuliwajaribu waliokuwa kabla yao, na kwa yakini Mwenyezi Mungu atawatambulisha walio wa kweli na atawatambulisha walio waongo.” Na wakati wa mtihani, mtu hupewa heshima au hudunishwa.