Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَمِنَ ٱلنَّاسِ مَن يُعْجِبُكَ قَوْلُهُۥ فِى ٱلْحَيَوٰةِ ٱلدُّنْيَا وَيُشْهِدُ ٱللَّهَ عَلَىٰ مَا فِى قَلْبِهِۦ وَهُوَ أَلَدُّ ٱلْخِصَامِ 204
Mwenyezi Mungu Mtukufu alipoamrisha kumtaja kwa wingi hasa katika nyakati bora, ambalo (yani kumtaja) ni heri na lenye masilahi na wema. Yeye Mtukufu akajulisha kuhusu hali ya yule anayezungumza kwa ulimi wake na kitendo chake kinapingana na kauli yake. Na mazungumzo ima humnyanyua mtu au humshusha. Akasema: “Na katika watu yupo yule ambaye maneno yake kwa maisha ya kidunia hukupendeza.” Yani anapozungumza, maneno yake yanamvutia msikilizaji. Na anapotamka utamdhania anazungumza maneno yenye manufaa, na anayasisitiza anayoyasema kuwa: “Humshuhudisha Mwenyezi Mungu kwa yaliyomo katika moyo wake;” kwa kusema kuwa Mwenyezi Mungu anajua kwamba yale yaliyomo ndani ya moyo wake yanaafikiana na yale aliyotamka. Ilhali yeye ni mwongo katika hayo, kwa sababu kauli yake inapingana na kitendo chake. Na lau kuwa alikuwa mkweli, maneno yake na vitendo vyake vingeafikiana, kama ilivyo hali ya Muumini asiyekuwa mnafiki. Ndio maana akasema, “na hali yeye ndiye mgomvi mkubwa mno.” Yani unapogombana naye, utakuta ndani yake ugomvi mkubwa, na ugumu na kutetea batili. Na yale yanayotokana na hayo ambayo ni katika sifa mbaya. Si kama tabia za Waumini ambao walifanya wepesi ndiyo kipando chao, na kufuata haki ndiyo kazi yao, na uzuri katika kuamiliana ndiyo tabia yao.